नितेश राणेंच्या मतदारसंघात भाजपचा दारुण पराभव; महाआघाडीचा 'विकास'

देवगड - सिंधुदुर्गातील देवगड नगर पंचायतीत महाविकास आघाडीने सत्ता प्रस्थापित केली आहे. या ठिकाणी भाजपा आणि शिवसेनेला प्रत्येकी ८ जागा मिळाल्या असून राष्ट्रवादीला १ जागा मिळाली आहे. या नगरपंचायतीत महाविकास आघाडीने सत्ता मिळवली आहे. नितेश राणे यांचा मतदारसंघाची असलेली ही नगरपंचायतीत भाजपची सत्ता होती. त्यामुळे ही भाजपाची सत्ता उलथवून टाकण्याचं काम महाविकास आघाडीने केले असल्याने कार्यकर्त्यांत जल्लोषी वातावरण निर्माण झाले आहे. निवडणुकीत भाजपाच्या दोन दिग्गज नगरसेवकांचा पराभव झाला आहे.

कुडाळमध्ये १७ जागा असून यासाठी १२ हजार ४४० मतदार होते. उर्वरित तिन्ही नगरपंचायतसाठी १७ जागा असून वाभवे-वैभववाडीसाठी १७७६ मतदार, कसई-दोडामार्गसाठी २७५३ मतदार तर देवगड-जामसांडेसाठी ११ हजार ५९६ मतदार होते. यातील २१ डिसेंबरला पहिल्या टप्प्यात झालेल्या मतदानावेळी कुडाळ नगरपंचायतसाठी सहा हजार ५३८ ( ७१.६२ टक्के) मतदारांनी मतदान केले होते. वाभवे-वैभववाडीसाठी ११३३ (८१.८६ टक्के) मतदान झाले होते. कसई-दोडामार्गसाठी १७६१ (८१.८७) टक्के मतदान झाले होते. देवगड-जामसंडेसाठी सहा हजार २३८ (७०.९२) टक्के मतदान झाले होते. एकूण १५ हजार ७०० मतदान (७३.०२) टक्के मतदान झाले होते. कुडाळ तीन हजार २६९ पैकी २४०७ (७३.६३ टक्के), वाभवे-वैभववाडी ३९२ पैकी ३२४ (८२.६५ टक्के), कसई-दोडामार्ग ६०२ पैकी ४८३ (८०.२३ टक्के) तर देवगड-जामसांडेसाठी १८०० पैकी दोन हजार ८५ (७४.४६ टक्के) मतदान झाले.

वैभववाडी-दोडामार्गमध्ये चुरशीने मतदान

चारही नगरपंचायतसाठी दोन्ही टप्प्यात झालेले मतदान पाहता वैभववाडी व दोडामार्गमध्ये चुरशीने मतदान झाले. सकाळी साडेसातला प्रक्रिया सुरू झाली. एकूण १६ केंद्रे होती. कुडाळ ९, वैभववाडी १०, दोडामार्ग ११ तर देवगडमध्ये १७ उमेदवार रिंगणात होते. दोन्ही टप्प्यांचा विचार केल्यास वैभववाडीत सर्वाधिक ५६, दोडामार्ग ५३, देवगड ५२ तर सर्वात कमी कुडाळ ५० उमेदवार रिंगणात होते. या सर्वांचे भवितव्य मतपेटीत बंद झाले आहे.