प्रवाशांसाठी महत्त्वाची बातमी! कोकण रेल्वेमार्गावर 'या' दिवशी मेगाब्लॉक; रेल्वेगाड्यांच्या सेवांवर होणार परिणाम

रत्नागिरी : रत्नागिरी-कोकण रेल्वेमार्गावरील (Konkan Railway) सावर्डे-रत्नागिरी विभागादरम्यान मालमत्तेच्या देखभालीसाठी २३ फेब्रुवारीला सकाळी ७ ते साडेनऊ या वेळेत अडीच तासांचा मेगाब्लॉक घेण्यात येणार आहे.

या मेगाब्लॉकमुळे २ रेल्वेगाड्यांच्या सेवांवर परिणाम होणार असल्याचे रेल्वे प्रशासनाने जाहीर केले. या मेगाब्लॉकमुळे एर्नाकुलम-निजामुद्दीन एक्स्प्रेस २२ फेब्रुवारीला मडगाव-रत्नागिरी विभागादरम्यान १ तास ४५ मिनिटांसाठी थांबवण्यात येणार आहे.

तिरूनेलवल्ली-गांधीधाम एक्स्प्रेस १ तास २० मिनिटे थांबवण्यात येणार आहे. या बदलाची प्रवाशांनी नोंद घ्यावी, असे आवाहन रेल्वे प्रशासनाने केले आहे.