Latest Kokan News: विधानसभा निवडणुकीमध्ये महाराष्ट्र नवनिर्माण सेना स्वबळावर निवडणूक लढवत असून आता पक्षाने रायगड जिल्ह्यातही एन्ट्री घेतली आहे. पनवेल व श्रीवर्धन मतदारसंघासाठी उमेदवारांच्या नावाची घोषणादेखील केली आहे. त्यामुळे रायगड जिल्ह्यातील मनसेच्या कार्यकर्त्यांमध्ये उत्साह निर्माण झाला आहे.
मागील लोकसभा व इतर निवडणुकांमध्ये मनसेची भूमिका संदिग्ध राहिल्याने कार्यकर्तेदेखील संभ्रमात होते; परंतु विधानसभा निवडणुकीमध्ये मनसेने स्वबळावर लढण्याचा निर्णय घेतला आहे. जिल्ह्यात पनवेल व श्रीवर्धन या दोन मतदारसंघांमध्ये मनसेने आपल्या उमेदवारांची घोषणा केली आहे. पनवेलमधून योगेश चिले यांना उमेदवारी देण्यात आली असून श्रीवर्धनमधून फैजल पोपरे निवडणूक लढवणार आहेत.
