रत्नागिरी : तौक्ते चक्रीवादळाच्या (Tauktae Cyclone) पाहणीसाठी आलेल्या केंद्राच्या पथकावर माझा काडीमात्र विश्वास नाही. निसर्ग चक्रीवादळाच्यावेळी आलेल्या केंद्रीय पथकाने कोकणवासियांच्या तोंडाला पाने पुसली. आताही तौक्ते चक्रीवादळाशी संघर्ष करुन कोकणातील जनता स्थिरस्थावर झाल्यावर हे केंद्रीय पथक पाहणीकरीता आले. हे पथक पाहणी करुन काय अहवाल देणार, असा प्रश्न शिवसेना सचिव आणि खासदार विनायक राऊत (MP Vinayak Raut)यांनी उपस्थित केला आहे. खासदार विनायक राऊत यांनी रत्नागिरी तालुक्यातील कोविड केअर आयसोलेशन सेंटरला भेट दिली. त्यापूर्वी ते रत्नागिरीत पत्रकारांशी बोलत होते. (mp-vinayak-raut-criticism-on-central-squad-kokan-cyclone-marathi-news)
केंद्रीय पथकाने नुकताच जिल्ह्यात तौक्ते चक्रीवादळाने झालेल्या नुकसानीचा पाहणी दौरा केला. याबाबत बोलताना खासदार विनायक राऊत म्हणाले की, निसर्ग चक्रीवादळाच्यावेळी पाहणीसाठी आलेल्या केंद्रीय पथकाने कोकणवासियांच्या तोंडाला पाने पुसली. आता आलेलं शिष्टमंडळही तसंच आहे. आता तौक्ते चक्रीवादळाशी संघर्ष करुन कोकणातील जनता स्थिरस्थावर झाली. राज्य सरकार आणि जिल्हा प्रशासनाने त्यांचं जीवन सुरळीत केलं. त्यामुळे आता आलेल्या समितीला काही दिसलं नाही तर तसे ते रीमार्क देणार, आणि त्याचा फार काही फायदा होईल असं मला वाटत नाही.
तौक्ते चक्रीवादळाची पाहणी करायला रत्नागिरी आणि सिंधुदुर्गात आलेले केंद्रीय पथक खूप उशीरा आले. राज्यसरकारने नुकसानीची पाहणी करुन मदतही जाहीर केली. त्यानंतर केंद्रीय पथक येऊन काय पाहणी करणार, लोक आता स्थिरस्थावर झाले आहेत, हे पाहून केंद्रीय पथक काय अहवाल देणार ते लक्षात आल आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.