चिपळूण : राष्ट्रवादी काँग्रेस पार्टी-शरदचंद्र पवार पक्षाचे अध्यक्ष शरद पवार हे पक्षफुटीनंतर प्रथमच चिपळुणात येत असून, सोमवारी (ता. २३) सकाळी ११ वा. स्वा. सावरकर मैदानात त्यांची जाहीर सभा होणार आहे.
या सभेची सर्व तयारी राष्ट्रवादीचे प्रदेश सरचिटणीस प्रशांत यादव यांच्या नेतृत्वाखाली तयारी सुरू असून, महाविकास आघाडीच्या सर्व नेत्यांना सभेचे निमंत्रण देण्यात आले आहे. शहरात ‘मी येतोय...’, असे फलक लावण्यात आले असून, ते लक्षवेधी ठरत आहेत.
शरद पवार रविवारी (ता. २२) सायंकाळी चिपळूणमध्ये येणार असून त्यांचे जंगी स्वागत केले जाईल. या दौऱ्यात ते महाविकास आघाडीचे घटक पक्ष शिवसेना ठाकरे गट व काँग्रेसच्या पदाधिकाऱ्यांच्या गाठीभेटी घेऊन चर्चा करणार आहेत.
चिपळूण मतदारसंघ यापूर्वी राष्ट्रवादी काँग्रेसने लढविला असल्याने त्यांना बळ देण्यासाठीच चिपळूण येथे ही जाहीर सभा होणार आहे. या सभेत महाविकास आघाडीचे नेतेही सहभागी होणार आहेत. या सभेनिमित्त बहादूरशेख नाका येथे मंडप उभारण्यात येत असून, गाड्यांची गर्दी होऊ नये यासाठी पार्किंगची तीन ठिकाणी स्वतंत्र व्यवस्था करण्यात येत आहे. शहरात मोक्याच्या ठिकाणी शरद पवार यांच्या स्वागताचे फलक लावण्यात आले आहेत तर तुतारी वाजविणारा माणूस, निशाणी असणारे भव्य कटाऊट व झेंडेही लावण्यात येणार आहेत.
या दौऱ्यावेळी चोख पोलिस बंदोबस्त ठेवण्यात येणार असल्याचे उपविभागीय पोलिस अधिकारी राजेंद्रकुमार राजमाने यांनी स्पष्ट केले. आमदार भास्कर जाधव यांनी राष्ट्रवादीत प्रवेश केला होता त्यावेळी झालेल्या सभेला तत्कालीन आमदार रमेश कदम उपस्थित होते. त्यानंतर शरद पवार आता जाहीर सभेसाठी चिपळुणात येणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.