'जे दिशा बरोबर झाले..तेच पुजा बरोबर होणार असेल..तर तो'

सावंतवाडी (सिंधुदुर्ग) : पुजा चव्हाण या प्रकरणावरुन सध्या गदारोळ माजला आहे. तिच्या आत्महत्येवरुन पुन्हा एकदा अनेक वाद समोर येत आहेत. याबाबत जे दिशा बरोबर झाले..तेच पुजा बरोबर होणार असेल..तर तो "शक्ती" कायदा.. काय चाटायचा आम्ही? असे म्हणत आमदार नितेश राणे यांनी दोन दिवसांपूर्वी ट्वीट करत शक्ती कायदा आणि सरकारवर निशाना साधला.

दरम्यान शनिवारी मुख्यमंत्री उद्धव ठाकरे यांनी पूजा चव्हाण आत्महत्येप्रकरणी सखोल चौकशी केली जाईल, मात्र यानिमित्ताने कोणाला आयुष्यातून उठण्याचा प्रकार होता कामा नये अशी प्रतिक्रिया यावेळी माध्यमांना दिली. 

 
काय आहे शक्ती कायदा - महाराष्ट्र सरकारने शक्ती विधेयक-२०२० हे महिला व बाल लैंगिक अत्याचारविरोधी विधेयक केले आहे. राज्यात महिला व बालकांवर लैंगिक अत्याचाराचे प्रमाण वाढले आहे. कठोर शिक्षेचे कायदे नसल्यामुळे अत्याचार वाढल्याचा आरोप करण्यात आल्यानंतर राज्य सरकारने आंध्र प्रदेशातील 'दिशा' या कायद्याच्या धर्तीवर शक्ती विधेयक आणले आहे. फाशीच्या शिक्षेवर अनेक देशात बंदी आहे. त्यासोबत या शिक्षेमुळे पुरावे नष्ट करण्याच्या हेतूने पीडितेचा खून होण्याची शक्यता आहे. हाथरस येथील महिला अत्याचार प्रकरणात पुरावे नष्ट करण्याच्या हेतूने पीडितेची हत्या करण्यात आली आणि नंतर तिला जाळून टाकण्यात आले होते. 

हेही वाचा - अन् आक्रोशाने सारा गाव हादरला ; वाघाच्या काळजाच्या माणसांनाही फुटले हुंदके -

संपादन - स्नेहल कदम