''सुरेश प्रभू लोकसभा लढणार? तरच माघार घेतली जाईल!''

लोकसभा 2019 : सावंतवाडी : 'सुरेश प्रभू यांचे नाव लोकसभेसाठी पुढे आल्यानंतर प्रमोद जठार निश्चितच माघार घेतील', असा विश्वास माजी आमदार तथा भाजपाचे प्रदेश सरचिटणीस राजन तेली यांनी आज येथे पत्रकार परिषदेत व्यक्त केला 

एकाच वेळी दोन व्यक्ती एका जागेसाठी दावा करू शकत नाही. त्यामुळे आत्ताच न बोलता नंतर निर्णय घेऊ असेही त्यांनी सांगितले. भाजपा लोकसभेच्या धर्तीवर नाणारचे समर्थन करणार आहे. त्यासाठी 3 मार्चला राजापुरात समर्थन बैठक आयोजित करण्यात आली आहे.

लोकसभेची जागा सुरेश प्रभू यांनाच देण्यात यावी अशी मागणी आज येथे झालेल्या भाजपच्या बैठकीत करण्यात आली असेही त्यांनी सांगितले 

दरम्यान भाजपाचे जिल्हाध्यक्ष प्रमोद जठार यांच्याकडून झालेली मागणी योग्यच आहे.नाणार होणे गरजेचे आहे. त्या दृष्टीने या प्रकल्पाचे समर्थन करायचा निर्णय झाला.ती बैठक काल रत्नागिरी येथे झाली.

राजापूर मध्ये 3 मार्चला समर्थकांचा मेळावा घेण्यात येणार आहे त्याचे समर्थन केले जाणार आहे त्यात सी वर्ल्डचा समावेश आहे. यावेळी तालुकाध्यक्ष महेश सारंग,मनोज नाईक,दादू कविटकर,अमित परब,शितल राऊळ,बांदा सरपंच मंदार कल्याणकर आदी उपस्थित होते.