...अन् बिबट्या मादीला दिले असे जीवदान 

राजापूर :  तालुक्यातील हसोळतर्फे सौंदळ येथील ग्रामपंचायत कार्यालयाच्या पाठीमागे असलेल्या विहिरीत काल बिबट्या पडल्याची घटना घडली. वनविभाग आणि स्थानिक ग्रामस्थांनीत्याला विहिरीतून सुखरूप बाहेर काढत जीवदान दिले.

सुमारे एक ते दिड वर्षे वयाची ही बिबट्याची मादी असून भक्ष्याच्या शोधात असताना ती विहिरीत पडली असावी असा अंदाज वनविभागाच्या अधिकाऱ्यांनी व्यक्त केला आहे. तिची वैद्यकीय तपासणी करन नैसर्गिक अधिवासात सोडून देण्यात आले.

 कालसायंकाळी महंमंद मिर हे विहिरीचे पाणी सोडण्यासाठी गेले असताना त्यांना विहिरीत आत बिबट्या पडलेला दिसला. त्यांनी तात्काळ याबाबत गावात माहिती दिली. त्यानंतर मिर यांनी राजापूर वनविभागाशी संपर्क साधून माहिती दिली.
वनविभागाचे अधिकारी व कर्मचारी तात्काळ घटनास्थळी दाखल झाले. यानंतर स्थानिक ग्रामस्थांच्या सहकाऱ्याने विहिरीत पिेंजरा सोडून या बिबट्याला बाहेर काढले. यांनंतर त्याची वैद्यकिय तपासणी करून त्याला तात्काळ नैसर्गिक अधिवासात सोडले. याप्रसंगी गावचे सरपंच, पोलीस पाटील व ग्रामस्थांनी मोलाचे सहकार्य केले.

हे पण वाचा - कोरोना कक्षातील धडपड मन हेलावणारी;काळजाचंही होतय पाणी  पाणी
 

विभागिय वनअधिकारी रमाकांत भवर, परिक्षेत्र वनअधिकारी प्रियंका लगड यांच्या मार्गदर्शनाखाली राजापूरचे वनपाल सदानंद घाडगे, वनरक्षक संजय रणधीर यांसह सहकारी दिपक चव्हाण, दिपक म्हादये, विजय म्हादये यांनी मोलाची कामगिरी बजावली.

हे पण वाचा - त्या धक्कादायक बातमीने रत्नागिरी प्रशासन हादरले....