रत्नागिरी : टीकेला कामाद्वारे उत्तर देणार- मंत्री सामंत

रत्नागिरी : शहरातील खड्डेमय रस्ते हे शिवसेनाच चांगले करू शकते, असा विश्वास सुज्ञ रत्नागिरी जनतेमध्ये आहे. रस्त्यांच्या कामाला सुरुवात झाली आहे. दसऱ्याच्या शुभ मुहूर्तावर अधिकृतरित्या रस्ते कामांचा प्रारंभ करण्यात येणार आहे. विरोधकांनी सोशल मीडियावर जुने व्हिडीओ टाकण्याचे काम सुरूच ठेवावे. त्यांच्या टीकेला कामाच्या माध्यमातून उत्तर दिले जाईल, असा चिमटा उच्च व तंत्रशिक्षमंत्री उदय सामंत यांनी विरोधकांना काढला.

शासकीय विश्रामगृह येथे आयोजित पत्रकार परिषदेत ते बोलत होत़े. रत्नागिरीत रस्त्यांच्या कामाला रविवारपासून (ता. १०) सुरवात झाली. १५ ऑक्टोबरला कोकणनगर, मारूती मंदिर, लक्ष्मीचौक येथील कामांचा शुभारंभ होईल़.

एकूण ३२ कोटी रूपये शहरातील रस्ते कामांसाठी मंजूर करण्यात आले आहेत़. साळवी स्टॉप ते दांडा फिशरीज येथील मुख्य रस्त्यांवर देखील खड्डयांच्या पॅचिंगचे काम करण्यात येत आहे.

नगरविकास मंत्री एकनाथ शिंदे हे महिन्याच्या अखेरीस रत्नागिरीत येणार आह़े. त्याच्या हस्ते पालिकेच्या नवीन इमारतीचे भूमिपूजन कार्यक्रम होणार आहे. उत्तरप्रदेशच्या लखीमपूर येथील घटनेच्या पार्श्वभूमीवर महाविकास आघाडीकडून पुकारण्यात आलेल्या बंदला रत्नागिरीच्या जनतेने चांगला प्रतिसाद दिला. त्याबद्दल येथील व्यापारी व रहिवाशांचे शिवसेना पक्षाचा उपनेता म्हणून आभार व्यक्त करतो.

- उदय सामंत, उच्च व तंत्रशिक्षमंत्री