या ठिकाणी मुंबईकडे जाणारा मार्ग येथील भाग खचल्यामुळे बंद करण्यात आलेला आहे. त्यामुळे सध्या एकेरी वाहतूक सुरू आहे.
चिपळूण : मुंबई-गोवा राष्ट्रीय महामार्गावरील (Mumbai-Goa National Highway) परशुराम घाटातील (Parashuram Ghat) चौपदरीकरणाचे काम पूर्णत्वास गेले असले तरी येथील धोका मात्र कायम आहे. काही दिवसांपूर्वीच येथील दरडीकडेचा मातीचा भराव व संरक्षक भिंत कोसळण्याची घटना घडली होती. आतातर काही ठिकाणी डोंगर भागातील भलेमोठे दगड कोसळण्याच्या स्थितीत असल्याची गंभीर बाब समोर आली आहे.
येथे संरक्षक भिंत नसल्याने हे दगड रस्त्यावर येऊन अपघाताची शक्यता आहे. त्यामुळे प्रशासन, राष्ट्रीय महामार्ग विभाग व ठेकेदार कंपनी यांनी या ठिकाणी तातडीने उपाययोजना करावी, अशी मागणी होत आहे. परशुराम घाटातील पेण कार्यकारी अभियंता यांच्या कार्यक्षेत्रात येणाऱ्या भागातून अतिवृष्टी काळात मोठमोठे दगड खाली येऊन अपघात होण्याची दाट शक्यता आहे.
या ठिकाणी मुंबईकडे जाणारा मार्ग येथील भाग खचल्यामुळे बंद करण्यात आलेला आहे. त्यामुळे सध्या एकेरी वाहतूक सुरू आहे. या ठिकाणी संरक्षक भिंत बांधलेली नाही. डोंगरामध्ये खोदकाम करताना टप्पेही दिलेले नाहीत. आतापर्यंतच्या पावसात हे दगड मुक्त झाले असल्याने धोका वाढला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
