Accident News : सतीश सामंत यांचा अपघाती मृत्यू

43140

सतीश सामंत यांचा
अपघाती मृत्यू
कणकवली, ता.४ : अपघातात जखमी झालेल्या शहरातील सामंत इलेक्ट्रॉनिक्सचे मालक सतीश कल्याण सामंत (वय ५३) यांचा शुक्रवारी (ता.३) मुंबईत उपचारादरम्यान मृत्यू झाला.

सहा महिन्यांपूर्वी त्यांचा नरडवे रस्त्यावर हरकुळ बु. येथे अपघात झाला होता. यात त्यांच्या डोक्याला गंभीर दुखापत झाली होती. त्यांच्यावर गोवा मणिपाल रुग्णालयात उपचार केले होते. तर अधिक उपचारासाठी मुंबई येथे दाखल केले होते.

कष्टाच्या जोरावर त्यांनी सामंत इलेक्ट्रॉनिक्सच्या माध्यमातून जिल्ह्यातील घराघरात इलेक्‍ट्रॉनिक उत्‍पादने पोहोचवून ग्राहकांचा विश्‍वास संपादन केला होता. त्यांच्या पार्थिवावर उद्या (ता.५) सकाळी १० वाजता कणकवलीमध्ये अंत्यसंस्कार करण्यात येणार आहेत. त्यांच्या मागे आई, पत्नी, दोन मुली, विवाहित बहिणी असा परिवार आहे. ओटव न. १ (ता.कणकवली) मधील प्राथमिक शिक्षिका स्नेहा सामंत यांचे ते पती होत.