सावंतवाडी : आंबोलीच्या दिशेने चिऱ्याची वाहतूक करत असताना मोटारीला धडक देत पळून जाण्याच्या प्रयत्नात असलेला डंपर पलटला. हा अपघात काल (ता.२९) रात्री साडेनऊच्या सुमारास बुर्डी पूल नजीकच्या वळणावर घडला. अपघातात डंपरसह चालक व अन्य दोघे किरकोळ जखमी झाले. मोटारीचे देखील नुकसान झाले आहे.
अधिक माहिती अशी की, डंपर चालक हा आंबोलीच्या दिशेने चिरे वाहतूक करत होता. त्याच दिशेने भरधाव जात असताना आर्यनोवा थेटरजवळ आला असता त्याचा अचानक डंपरवरील ताबा सुटून समोरून येणाऱ्या मोटारीला एका बाजूने धडक दिली. यात मोटारीचे मोठे नुकसान झाले. या अपघातानंतर भयभीत झालेल्या चालकाने पळून जाण्याच्या प्रयत्न केला; मात्र भरधाव वेगाने जात असताना एक किलोमीटरच्या अंतरावरील वळणावर डंपर रस्त्याकडेला पलटी झाला.
हा अपघात रात्री साडेनऊच्या सुमारास घडला. सुदैवाने यात चालकासह अन्य दोघे किरकोळ जखमी झाले. यात डंपरचेही मोठे नुकसान झाले आहे. डंपर मधील चिरे देखील पलटी झाल्यानंतर रस्त्याकडेला विखुरले. संबंधित डंपर हा ओव्हरलोड होता असे प्रत्यक्षदर्शींचे म्हणणे आहे तर हा डंपर कर्नाटक पासिंगचा आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
