सिंधुदुर्ग : कासार्डे येथे भीषण अपघातात दोघे जागीच मृत

तळेरे सिंधुदुर्ग : मुंबई गोवा महामार्गावरील कासार्डे येथील महादेव मार्बल समोर रविवारी रात्री 10 वा. दुचाकी आणि खाजगी आराम बस यामध्ये झालेल्या अपघातात दुचाकीस्वार जागीच मृत झाले. या अपघाताची भीषणता खुप होती. अपघातानंतर तातडीने स्थानिकांनी मदत कार्य सुरु झाले.याबाबत मिळालेली माहिती अशी की, होंडा ऐक्टिवा गाडी (एम.एच.07, ए.एफ.2113) घेऊन निवृत्ती सोनू घाडी (वय 50 वर्षे, रा. पेंढरी, ता. देवगड) आणि त्यांचे नातेवाईक राजेश्री रमेश घाडी (वय 45, रा. पेंढरी, ता. देवगड) हे कासार्डेच्या दिशेने येत असताना हा अपघात झाला. मिळालेल्या माहितीनुसार दुचाकीस्वार महामार्ग ओलांडताना मागुन येणार्या खाजगी आराम बस (जीए 03, एन 6577) ने जोरदार धडक दिल्याने हा अपघात घडला.

या अपघातानंतर पोलिस निरिक्षक सचिन हूंदळेकर, डिवायएसपी कांबळे, पोलिस उपनिरिक्षक हाडळ, पोलिस हवालदार चंद्रकांत झोरे, वाहतुक पोलिस जाधव यांच्यासह कासार्डे पोलिस पाटिल महेंद्र देवरुखकर, संजय नकाशे, प्रशांत राणे, प्रविण मत्तलवार, हर्षवर्धन रेपे आणि ग्रामस्थानी मदतकार्य केले.