व्यवस्थापक, स्वच्छता कर्मचाऱ्यांसह सर्वांचे लसीकरण करुन मास्कचा वापर अनिवार्य करण्याच्या सूचना देण्यात आल्या आहेत.
ओरोस : 15 ऑगस्टपासून (15 august) जिल्ह्यातील सर्व दुकाने, उपहारगृहे, मॉल्स रात्री 10 पर्यंत सुरु ठेवण्यास परवानगी देण्यात आली आहे. सर्व व्यवस्थापन कर्मचाऱ्यांचे कोविड (covid-19) प्रतिबंधात्मक लसीकरणाचे दोन्ही डोस पूर्ण किंवा दुसरा डोस घेऊन 14 दिवस पूर्ण असणे आवश्यक असल्याचे आदेश जिल्हाधिकारी के. मंजुलक्ष्मी यांनी आज दिले. यामुळे जिल्ह्याला दिलासा मिळाला आहे. (sindhudurg unlock)
या आदेशात त्यांनी खुली अथवा बंदिस्त उपहारगृहे आसन व्यवस्थेच्या 50 टक्के क्षमतेच्या अटींत राहून सुरु करण्याची परवानगी दिली आहे. उपहारगृह, बारमध्ये प्रवेश करताना मास्कचा वापर अनिवार्य असून याबाबत स्पष्ट सूचना ग्राहकांना देण्यात याव्यात. व्यवस्थापक, स्वच्छता कर्मचाऱ्यांसह सर्वांचे लसीकरण करुन मास्कचा वापर अनिवार्य करण्याच्या सूचना देण्यात आल्या आहेत.
उपहारगृह किंवा बार आसन व्यवस्थेत आवश्यक तेथे निर्जंतुकीकरणाची तसेच सॅनिटायझरची व्यवस्था करण्यात यावी. भोजनासाठी ग्राहकांकडून शेवटची मागणी रात्री 9 वाजेपर्यंत घ्यावी; मात्र पार्सल सेवा 24 तास सुरु ठेवण्यास परवानगी मिळाली आहे. 14 दिवसांतून एकदा आरटीपीसीआर चाचणीचे निगेटिव्ह प्रमाणपत्र आवश्यक असणार आहे. शॉपिंग मॉल्स रात्री 10 पर्यंत सुरु राहणार असून लसीकरण केलेले प्रमाणपत्र फोटो, ओळखपत्र प्रवेशद्वारावर दाखवणे आवश्यक असणार असल्याचे त्यांनी या आदेशात सांगितले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
