चिपळूण : अगोदरच सर्व व्यापारी व्यावसायिक आर्थिक संकटात सापडले आहेत. जनता मेटाकुटीस आली आहे. आता जास्त अटी आणि शर्थी नको. सर्व व्यावसायिकांना व्यवसाय करण्यास मोकळीक द्यावी. आता कोणत्याही व्यावसायिकांवर अन्याय नको, अशी मागणी आमदार शेखर निकम यांनी पालकमंत्री आणि जिल्हाधिकारी यांच्याकडे केली आहे.
राज्यात अनलॉक प्रक्रिया सुरू झाली असताना जिल्ह्यात कडक लॉकडाउन जिल्हा प्रशासनाने जाहीर केला. व्यापारी आणि जनतेच्या संतापाची दखल घेत कडक निर्बंध रद्द करण्यात आले; मात्र अटी आणि शर्थी ठेवल्या आहेत. यामुळेच पुन्हा अनेक अडचणींना व्यावसायिक, व्यापारी यांना सामोरे जावे लागत आहे. जिल्हा प्रशासनाने अटी-शर्थी ठेवून व्यावसायिकांना परवानगी दिली असली तरी या व्यावसायिकांना धड व्यापार पण करता येणार नाही. या संदर्भात आमदार निकम यांनी आवाज उठवला असून, पालकमंत्री परब आणि जिल्हाधिकारी यांच्याकडे या अटी-शर्थीही रद्द करण्याची मागणी केली आहे.
व्यावसायिकांना वेळेचे बंधन दिले आहे. एकतर अगोदर दोन-अडीच महिने व्यवसायाची वाट लागली आहे. त्यात पावसाळ्याचे दिवस दिलेल्या वेळेत खरेदीसाठी ग्राहक मोठ्या प्रमाणात येतात. मग या गर्दीला कसा आवर घालणार ? यासाठी आता वेळेचे बंधन नको, अशी मागणी निकम यांनी केली आहे. कोरोना पार्श्वभूमीवर मास्क आणि सोशल डिस्टन्सिंग असले पाहिजे. गर्दी कुठेही होऊ नये. कोरोनाचे उच्चाटन करायचे आहे. यासाठी हे निर्बंध असले पाहिजेत; मात्र त्यासाठी छोटे-मोठे व्यापारी वेठीस नको. अगोदरच लॉकडाउनने सारे मेटाकुटीस आले आहेत. आता वाहतूक आणि अन्य व्यवस्था सुरू झाल्या आहेत. त्यामुळे जे जे व्यावसायिक, व्यापारी आहेत त्यांना आपला व्यवसाय करून घ्यावा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
