रत्नागिरी ः क्राईम
मालमत्ता विक्री प्रकरणात
५१ लाखाची फसवणूक
जयगड पोलिसठाण्यात संशयितावर गुन्हा
रत्नागिरी, ता. २१ ः तालुक्यातील नेवरे येथील मालमत्ता मुळ मालक विक्री करणार आहेत की नाही हे माहिती नसताना संशयिताने ती मालमत्ता देणार असल्याचे भासविले. तक्रादार यांच्या कडून ५१ लाख रुपयांची रक्कम घेऊन फसवणूक केली. या प्रकरणी संशयिताविरुद्ध जयगड पोलिस ठाण्यात गुन्हा दाखल करण्यात आला आहे.सतीश प्रभाकर आगाशे (वय ४२, रा. रत्नागिरी) असे संशयिताचे नाव आहे.
ही घटना १ जून ते २० ऑगस्ट २०२३ या कालावधीत घडली आहे. पोलिसांकडून मिळालेल्या माहितीनुसार, तालुक्यातील नेवरे रामरोड येथे रणदिवे यांची येथे मालमत्ता आहे. ती त्या मालमत्तेची विक्री करणार आहेत की नाही हे माहीत नसताना देखील संशयित सतीश आगाशे यांनी तक्रारदार मिलिंद चिंतामण दाते (वय ६२) यांना मालमत्तेची विक्री करून देणार असल्याचे भासवले. त्यानंतर तालुक्यातील गणपतीपुळे येथे हॉटेलात मालमत्तेचा व्यवहार केला. संशयिताने दाते यांच्याकडून ५१ लाख रुपयांची रक्कम स्वीकारली. या घटनेला आठ महिने झाले; मात्र संशयितने याबाबत कानाडोळा केला. मिलिंद दाते यांना मालमत्तेचा अद्यापही ताबा दिला नाही तसेच घेतलेली रक्कमदेखील परत केली नाही. या प्रकरणी तक्रारदार दाते यांनी जयगड पोलिस ठाण्यात संशयिताविरुद्ध तक्रार दिली. तक्रारीवरून पोलिसांनी संशयित आगाशे यांच्याविरुद्ध फसवणूकीचा गुन्हा दाखल केला आहे. अधिक तपास जयगड पोलिस अंमलदार करत आहेत.
-
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.