भविष्यात नासा, इस्रोत विद्यार्थ्यांनी काम करतील

भविष्यात नासा, इस्रोत
विद्यार्थ्यांनी काम करतील
पालकमंत्री उदय सामंत ; चिपळुणात गुणवंतांचा गौरव
चिपळूण, ता. २७ः भविष्यात नासात आणि इस्रोमध्ये जाऊन माझ्या जिल्ह्यातील विद्यार्थ्यांनी काम करावे, अशी इच्छा पालकमंत्री उदय सामंत यांनी व्यक्त केली.
चिपळूण येथील स्वामी मंगल कार्यालयात शिवसेनेच्या वतीने आयोजित गुणवंत विद्यार्थी गौरव कार्यक्रमात ते बोलत होते. यावेळी चिपळूण मधील शेकडो गुणवंत विद्यार्थ्यांचा सन्मान करण्यात आला. जिल्ह्यातील सर्वात मोठा कार्यक्रम चिपळूणमध्ये सदानंद चव्हाण यांच्या मार्गदर्शनाखाली झाला, असे पालकमंत्री सामंत यांनी सांगितले. महिलांसाठी सरकारने सुरू केलेल्या विविध योजनांबद्दल यावेळी माहिती देण्यात आली. चिपळूणच्या बचतगटासाठी चिपळूणमध्ये मोठे विक्री केंद्रा सुरू करणार असल्याचे पालकमंत्री उदय सामंत यांनी जाहीर केले. माजी आमदार सदानंद चव्हाण, जिल्हाप्रमुख शशिकांत चव्हाण, तालुकाप्रमुख बापू आयरे, शरद शिगवण, राहुल बामणे आदी उपस्थित होते.