रेल्वे प्रवासादरम्यान बॅगसह मोबाईल लंपास

रेल्वे प्रवासादरम्यान बॅगसह मोबाईल लंपास
कुडाळ, ता. ३१ः पनवेल ते एर्नाकुलम रेल्वेतून प्रवास करताना कुडाळदरम्यान मुरलीधरन ताराशेरी यांच्या पत्नीची लेदरची बॅगसह अज्ञाताने लंपास केली. यात रोख रक्कम व मोबाईल असा ३१ हजार रुपयांचा मुद्देमाल चोरीस गेला. याबाबत येथील पोलिसांत अज्ञाताविरोधात गुन्हा दाखल करण्यात आला आहे. ताराशेरी दाम्पत्या झोपले असताना बॅग अज्ञाताने चोरली. कुडाळ येथे आल्यावर ही चोरी झाल्याचे त्यांच्या लक्षात आले. बॅगमध्ये मोबाईल, रोख २० हजार रुपये असा ३१ हजाराचा मुद्देमाल आणि महत्त्वाची कागदपत्रे होती.
...............
मटका घेणाऱ्यावर कुडाळात कारवाई
कुडाळ, ता. ३१ः येथील एसटी बसस्थानकासमोर बेकायदा मटका स्वीकारताना अशोक नाटेकर याला स्थानिक गुन्हे अन्वेषण शाखेच्या पोलिसांनी पकडले. यामध्ये ३ हजार २० रुपयांची रोख रक्कम जप्त करण्यात आली. स्थानिक गुन्हे अन्वेषण शाखेच्या पथकाने बसस्थानकासमोरील दुकानांच्या पाठीमागे छापा टाकला असता नाटेकर हा मटका स्वीकारताना आढळून आला. त्याला ताब्यात घेत रोख रकमेसह मुद्देमाल हस्तगत करण्यात आला. याबाबत पोलिस हवालदार यशवंत आरमारकर यांनी तक्रार दिली.
...........