धार्मिक सलोखा राखण्यात ग्रामस्थांचे योगदान

३२१३०

धार्मिक सलोखा राखण्यात ग्रामस्थांचे योगदान
अमित यादव : साकेडी गावात तंटामुक्‍त ग्राम समितीची बैठक
कणकवली, ता. २० : ग्रामस्थांच्या एकजुटीमुळेच गावात धार्मिक सलोखा राखण्यात यश मिळविले. गणेशोत्‍सव आणि ईद-ए-मिलादच्या पार्श्वभूमीवर अशा प्रकारे बैठक आयोजन करून गावाने एक स्तुत्‍य उपक्रम राबवला आहे, असे प्रतिपादन कणकवलीचे पोलिस निरीक्षक अमित यादव यांनी केले. साकेडीच्या महात्मा गांधी तंटामुक्त गाव समितीची बैठक समितीचे अध्यक्ष राजू सदडेकर यांच्या अध्यक्षतेखाली झाली. या वेळी पोलिस निरीक्षक श्री. यादव यांनी मार्गदर्शन केले. नूतन तंटामुक्‍त समिती अध्यक्ष श्री. सदडेकर यांचा सत्‍कारही केला.
कार्यक्रमावेळी सरपंच सुरेश साटम, उपसरपंच श्री. वर्दम, पोलिसपाटील सुनील कदम, माजी उपसरपंच महंमद जेऊर शेख, माजी सरपंच सुविधा गुरव, ग्रामपंचायत सदस्य दिगंबर वालावलकर, समिती सदस्य विजिन जाधव, मुरारी राणे, किरण वर्दम, आनंदी परब, उषा गाड, फ्रान्सिस भुतेलो, रामकृष्ण गुरव, विनोद जाधव, तुकाराम ढवण, वसंत ढवण, पोलीस कर्मचारी किरण मेथे, ग्रामपंचायत कर्मचारी रोहित राणे आदी उपस्थित होते.
श्री. यादव यांनी तंटामुक्त गाव म्हणून पुरस्कार मिळाल्याबद्दल साकेडी गावचे कौतुक केले. गावाला पुरस्कार मिळाला तर तुमच्या गावांमध्ये वाद असण्याचा प्रश्नच नाही. असे गौरवोद्‍गार काढले. उत्सव कालावधीत किंवा त्यानंतरदेखील कोणतीही समस्या घेऊन हक्काने पोलिस ठाण्यात यावे. प्रशासन सदैव तत्पर राहील, अशी ग्‍वाही दिली. सूत्रसंचालन आणि आभार दिगंबर वालावलकर यांनी मानले.