Kokan: डिंगणीतील दोन विद्यार्थी नासा, इस्रोच्या परीक्षेला पात्र

पावस ः रत्नागिरी जिल्हा परिषदेच्या माध्यमातून घेण्यात आलेल्या नासा, इस्रोच्या तालुकास्तरावरील परीक्षेला २३४ विद्यार्थी बसले होते. त्यापैकी दहा विद्यार्थी जिल्हास्तरावर परीक्षेसाठी जाणार होते. त्या दहामध्ये डिंगणीतील दोन विद्यार्थी पात्र ठरले आहेत. प्रसाद धामसेकर (गुरववाडी शाळा) तालुकास्तरावर प्रथम क्रमांक आणि स्वराज पाकतेकर (खाडेवाडी शाळा) तालुकास्तरावर आठवा क्रमांक मिळवून या परीक्षेसाठी पात्र झाले आहेत.

निवृत्त कर्मचाऱ्याचा उपोषणाचा इशारा
खेडः आरोग्य विभागाच्या कळंबणी उपजिल्हा रुग्णालयातून सेवानिवृत्त झालेले कर्मचारी दीपक मोहिते यांनी रजा रोखीकरणाच्या देयक देण्याबाबत उपसंचालक कोल्हापूर विभाग, जिल्हा शल्य चिकित्सक व जिल्हाधिकाऱ्यांच्या आदेशाला येथील प्रभारी वैद्यकीय अधीक्षक डॉ. सगरे यांनी वाटण्याच्या अक्षता दाखवल्या. त्यामुळे सेवानिवृत्तीनंतर कर्मचाऱ्यावर उपासमारीची वेळ आली आहे. सेवानिवृत्त कर्मचारी दीपक मोहिते यांनी कळंबणी उपजिल्हा रुग्णालयासमोर १ नोव्हेंबरला उपोषणाचा इशारा दिला आहे. मोहिते हे कळंबणी उपजिल्हा रुग्णालयात वरिष्ठ लिपिक पदावर असताना ३१ जानेवारी २०२२ ला सेवानिवृत्त झाले; पण आजतागायत रजा रोखीकरणाचे देय रक्कम अदा न केल्याने त्यांच्यावर व त्यांच्या कुटुंबीयांवर उपासमारीची वेळ आली आहे.
------------