Railway News: उन्हाळी हंगामासाठी धावणार जादा रेल्वे; कोकणी माणसाला मिळणार दिलासा

Kankavli News: कोकण रेल्वे मार्गावरील प्रवाशांसाठी उन्हाळी हंगामात प्रवाशांची अतिरिक्त गर्दी कमी करण्यासाठी मध्य रेल्वेच्या समन्वयाने विशेष गाड्या चालवण्याचा निर्णय घेतला आहे. लोकमान्य टिळक (एलटीटी) ते कोचुवेली विशेष साप्ताहिक गाडी धावणार आहे.

गाडी क्र. ०१४६३ लोकमान्य टिळक (एलटीटी) ते कोचुवेली विशेष साप्ताहिक रेल्वे ११ एप्रिल ते ६ जूनपर्यंत दर गुरुवारी एलटीटी येथून सायंकाळी ४ वाजता सुटेल.

परतीसाठी गाडी क्र. ०१४६४ कोचुवेली ते लोकमान्य टिळक (एलटीटी) कोचुवेली येथून १३ एप्रिल ते ८ जून पर्यंत दर शनिवारी सायंकाळी ४.२० ला सुटेल. ही गाडी ठाणे, पनवेल, रोहा, चिपळूण, रत्नागिरी, कणकवली, सिंधुदुर्ग, सावंतवाडी रोड, मडगाव, कारवार, कुमटा, कुंदापुरा, उडुपी, मनाग्लुरु जं., कासरगोड, कन्नूर, कालिकत, तिरूर, शोरनूर जं., एर्नाकुलम टाउन, कोट्टायम, तिरुवल्ला, चेंगन्नूर, कायनकुलम आणि कोल्लम जंक्शन या स्थानकावर थांबेल.