क्रेडाईतर्फे कामगारांसाठी आरोग्य, नेत्रतपासणी शिबिर

31 (टूडे ३ साठी)

)

- ratchl२३.jpg-
P24M81046
चिपळूण ः कामगारांची आरोग्य तपासणी करताना वैद्यकीय अधिकारी.

क्रेडाईतर्फे कामगारांसाठी आरोग्य तपासणी शिबिर
सकाळ वृत्तसेवा
चिपळूण, ता. २ : क्रेडाई चिपळूण परिवारातर्फे कामगारदिनाचे औचित्य साधून बांधकाम क्षेत्रातील कामगारांसाठी आरोग्य तपासणी व नेत्रतपासणी शिबिर आयोजित केले होते. बी. के. एल. वालावलकर चॅरिटेबल ट्रस्ट डेरवण हॉस्पिटलच्या विशेष सहकार्याने शहरी आरोग्य केंद्र येथे हे शिबिर झाले.
या कार्यक्रमासाठी वालावलकर रुग्णालयाचे संदीप पाटील व तज्ज्ञ डॉक्टर, अनुभवी स्टाफ व क्रेडाई चिपळूणचे परिवाराचे सदस्य उपस्थित होते. या शिबिराच्या उद्घाटनाला वालावलकर हॉस्पिटलचे डॉक्टर आणि स्टाफ यांच्यासह क्रेडाई चिपळूणचे अध्यक्ष संतोष तडसरे व सीआरएमचे सहसचिव राजेश वाजे, माजी अध्यक्ष जावेद दलवाई, सचिव शकील चौगुले, प्रसाद खातू, खजिनदार राहुल काळी, समीर मेमन, मन्सूर देसाई आदी उपस्थित होते. या प्रसंगी अध्यक्ष संतोष तडसरे व राजेश वाजे यांनी मनोगत व्यक्त केले. मेडिकल सोशल वर्कर संदीप पाटील यांनी हॉस्पिटलमधील उपचारांच्या सुविधाबाबत विस्तृत माहिती सांगितली. हॉस्पिटलला भेट होणाऱ्या विविध विभागांच्या तज्ज्ञ डॉक्टरांविषयी माहिती दिली. सचिव शकील चौगुले यांनी डेरवण हॉस्पिटलच्या प्रमुख सुवर्णा पाटील यांच्यासह उपस्थित डॉक्टरांचे व स्टाफचे आभार मानले. या वेळी आरोग्य शिबिरात कामगारांची आरोग्य तपासणी करण्यात आली. क्रेडाई चिपळूण परिवार व डेरवण हॉस्पिटल यांच्यावतीने कामगारांना आवश्यक औषधाचे व आयड्रॉपचे मोफत वाटप करण्यात आले. या शिबिरात अध्यक्ष संतोष तडसरे, राजेश वाजे, जावेद दलवाई, प्रवीण पटेल, शकील चौगुले, राहुल काळी, प्रसाद खातू, समीर मेमन, मन्सूर देसाई आदी उपस्थित होते. या कार्यक्रमासाठी राहुल काळे, प्रसाद खातू यांनी विशेष मेहनत घेतली.
-