सावर्डे विद्यालयात वार्षिक क्रीडा महोत्सव उत्साहात

-rat२०p५३.jpg
२४N२६४९१
- सावर्डे ः क्रीडा स्पर्धेतील कबड्डीतील एक क्षण.
-----------

सावर्डे विद्यालयात क्रीडा महोत्सव उत्साहात

८७६ खेळाडूंचा सहभाग ; दोन गटात स्पर्धा

सकाळ वृत्तसेवा ः
सावर्डे, ता. २० ः येथील गोविंदराव निकम माध्यमिक व उच्च माध्यमिक विद्यालयात वर्गांतर्गत क्रीडा महोत्सव मोठ्या उत्साहात पार पडला. महोत्सवात विद्यालयातील ८७५ विद्यार्थ्यांनी सहभाग घेतला. महोत्सवाचे आयोजन सह्याद्री क्रीडा संकुलात करण्यात आले होते. महोत्सवात वैयक्तीक क्रीडाप्रकारात धावणे, उंच उडी, लांब उडी, गोळाफेकी तर सांघिक प्रकारात कबड्डी, खो-खो, व्हॉलीबॉल व चार बाय शंभर मीटर रिले या खेळांचे आयोजन करण्यात आले होते.
आठवी ते दहावी या गटात मुलांच्या विभागात शंभर मीटर धावणेमध्ये श्रवण बुदर, श्रेयश जोईल व चिराग पवार यांनी अनुक्रमे प्रथम, द्वितीय व तृतीय क्रमांक पटकावला. दोनशे मीटर धावणे क्रीडाप्रकारात अर्णव गावणंग प्रथम, नील मिठारी द्वितीय तर सार्थक कानसे याने तृतीय क्रमांक पटकावला. चारशे मीटर धावणे क्रीडाप्रकारात सूरज ठाकूर, कुणाल साळवी व अमित यादव यांनी अनुक्रमे क्रमांक पटकावला. चार बाय शंभर मीटर रिलेमध्ये दहावी ब च्या संघाने प्रथम क्रमांक, दहावी क च्या संघाने द्वितीय क्रमांक पटकावला.
मुलींच्या विभागात शंभर मीटर धावणे क्रीडाप्रकारात साक्षी खरात, संस्कृती शिंदे तर आर्या नंदिवडेकर यांनी अनुक्रमे क्रमांक पटकावला. दोनशे मीटर धावणे क्रीडाप्रकारात मुक्ता भुवड, श्रावणी कुळे तर मृणाली शिगवणने अनुक्रमे क्रमांक पटकावला. चारशे मीटर धावणे क्रीडाप्रकारात मुक्ता भुवड, रूद्रा हुमने, शर्वरी मेस्त्रीने अनुक्रमे क्रमांक पटकावला. मोठा गट गोळाफेक या विभागात साईराज निर्मळ, दत्तराज जंगम व मंथन लिबे यांनी अनुक्रमे क्रमांक प्राप्त केला. गोळाफेक मुली या प्रकारामध्ये मुक्ता भुवड, वैदही हुमणे व सानवी पांचाळ यांनी अनुक्रमे क्रमांक प्राप्त केला. मुले मोठा गट उंच उडी या विभागामधून श्रवण बुदर, राज येलोंडे व आयुष चव्हाण यांनी अनुक्रमे क्रमांक पटकावला. मुलींमधून मुक्ता भुवड व सानवी पांचाळ यांनी प्रथम व द्वितीय क्रमांक प्राप्त केला. चार बाय शंभर मीटर रिलेमध्ये नववीच्या संघाने प्रथम क्रमांक व आठवीच्या संघाने द्वितीय क्रमांक प्राप्त केला. कबड्डी मुले या सांघिक खेळात मोठ्या गटातून आठवी अ विजेता व दहावी ई उपविजेता, कबड्डी मुली या क्रीडाप्रकारात आठवी ड विजेता तर दहावी ई उपविजेता, खो-खो खेळात नववी अ मुले विजेता तर नववी फ उपविजेता ठरला व मुलींमध्ये नववी क विजेता तर दहावी इ उपविजेता ठरला. व्हॉलिबॉल या क्रीडाप्रकारात मुलांच्या संघातून दहावी अ विजेता व नववी क उपविजेता ठरला. व्हॉलिबॉल मुली या प्रकारात दहावी ब विजेता व आठवी ब उपविजेता ठरला.