लांजा-साटवलीत १३ माकडे, ५ वानर पकडले

26956
26957

साटवलीत १३ माकडांसह ५ वानर पकडले
लांजा, ता. २२ः लांजा वनविभागाचे वनपाल सारीक फकीर यांच्या मार्गदर्शनाखाली साटवली बाजारपेठ व गांगोवाडी येथे वानर व माकडे पकडण्याची मोहीम राबवण्यात आली. या वेळी १३ माकडे व ५ वानर पकडण्यात आले
गेल्या काही दिवसांपासून साटवली परिसरात माकडांचा उपद्रव मोठ्या प्रमाणात वाढला होता. लोकांच्या घरादारांच्या नुकसानीबरोबरच भाजीपाला शेती आणि बागायती यांची मोठ्या प्रमाणात नासधूस केली जात होती. त्यामुळे वनविभागाने या ठिकाणी माकड पकडण्याची मोहीम राबवण्यात यावी, अशी आग्रही मागणी केली जात होती. यापूर्वी २० माकडे पकडण्यात आली होती. या पार्श्वभूमीवर आज सकाळपासूनच साटवली बाजारपेठ व गांगोवाडी परिसरात वनविभागामार्फत माकडे पकडण्याची मोहीम राबवण्यात आली.
वन्यजीव प्राणीमित्र संदीप गिरी (रा. सिल्लोड), दत्ता सांगळे, वनरक्षक श्रावणी पवार यांनी अतिशय कुशलतेने माकडांना जेरबंद केले. या वेळी १३ माकडे व ५ वानर पकडण्यात आले. संपूर्ण मोहीम लांजा वनपाल सारीक फकीर यांनी यशस्वीपणे पार पाडली. गावातील सामाजिक कार्यकर्ते जितेंद्र चव्हाण, माजी सरपंच सचिन तरळ, सीताराम कांबळे, संतोष पड्यार, काशिनाथ बापेरकर, सदानंद तरळ, अविनाश पावसकर आदी उपस्थित होते.