महिंद्राचे ‘सुप्रो सीएनजी ड्युओ’ वाहन बाजारात सादर

‘सुप्रो सीएनजी ड्युओ’
‘महिंद्रा’तर्फे बाजारात सादर
पुणे, ता. १० ः महिंद्रा अँड महिंद्रा लिमिटेडने (एमअँडएम) ‘सुप्रो सीएनजी ड्युओ’ हे पहिले ड्युएल-फ्युएल वाहन बाजारपेठेत सादर केले. आकाराने लहान आणि व्यावसायिक वापरासाठी हे वाहन उपयुक्त ठरणार आहे.
या गाडीची किंमत ६.३० लाख रुपयांपासून आहे. यात डायरेक्ट-इन-सीएनजी स्टार्टमुळे गाडी सीएनजी मोडमध्ये सुरू करता येते व ग्राहकांच्या पैशांची बचत होते. सुप्रो सीएनजी ड्युओमध्ये सीएनजी गळती होत असल्यास ते सूचित करणारी खास सुविधा देण्यात आली. तसेच सीएनजी आणि पेट्रोल पर्यायही सहजपणे बदलण्याची सोय यात आहे. ‘एम अँड एम’च्या ऑटोमोटिव्ह विभागाचे अध्यक्ष विजय नाक्रा म्हणाले, ‘सुप्रो सीएनजी ड्युओद्वारे कंपनी ड्युएल- फ्युएल क्षेत्रात प्रवेश करत आहे. त्यातून वाहनमालक व चालकांना येणारा वाहनाचा खर्च कमी होईल. लॉजिस्टिक्स, पुरवठा साखळी आणि ई-कॉमर्स कंपन्यांच्या आव्हानात्मक मागण्या पूर्ण करण्याच्या हेतूने या वाहनाची बांधणी करण्यात आली आहे.’