Crime: खेडमध्ये पोलीस ऍक्शन मोडमध्ये केल्या दोन महत्वाच्या कारवाया!

Konkan Crime : खेड तालुक्यातील नांदिवली-दंडवाडी येथे बेकायदेशीरपणे गावठी हातभट्टीच्या दारूची विक्री सुरू असल्याची माहिती मिळताच पोलिस निरीक्षक नितीन भोयर यांच्या नेतृत्वाखालील पथकाने कारवाई केली.

याप्रकरणी एकावर गुन्हा दाखल करण्यात आला आहे. अशोक दत्तात्रय कदम (वय ५८, रा. नांदिवली-दंडवाडी) असे गुन्हा दाखल झालेल्याचे नाव आहे. पोलिसांनी केलेल्या कारवाईत ४५० रुपयांची ८ लिटर गावठी हातभट्टीची दारू जप्त केली.

पटवर्धन लोटेत जुगार अड्ड्यावर छापा

तर दुसरीकडे तालुक्यातील पटवर्धन लोटे येथील मटका जुगार अड्ड्यावर पोलिसांनी छापा टाकला. यामध्ये १२०३ रुपयांचे जुगाराचे साहित्य पोलिसांनी जप्त केले. सचिन सुरेश जाधव याच्यावर येथील पोलिस ठाण्यात गुन्हा दाखल करण्यात आला आहे. शहरासह ग्रामीण भागात बेकायदेशीरपणे सुरू असणाऱ्या मटका जुगार अड्ड्यांवर धाडी टाकण्याचे येथील पोलिसांचे सत्र सुरूच आहे. अवैध धंद्यांविरोधात पोलिस निरीक्षक नितीन भोयर यांनी आक्रमक भूमिका घेतली आहे. मटका जुगार अड्डे सुरू असल्याचे निदर्शनास आल्यास संपर्क साधण्याचे आवाहन देखील करण्यात आले आहे.