पाली नांदगाव मार्गावर शुक्रवारी (ता.11) रात्री म्हशीला मोटारसायकलची धडक लागून झालेल्या अपघातात दोन तरुणांचा मृत्यू झाला.
पाली - पाली नांदगाव मार्गावर शुक्रवारी (ता.11) रात्री म्हशीला (Buffalo) मोटारसायकलची (Motorcycle) धडक (Accident) लागून झालेल्या अपघातात दोन तरुणांचा मृत्यू (Youth Death) झाला आहे. नांदगाव जवळील शर्मा फार्म हाऊसच्या समोर हा अपघात घडला आहे.
याबाबत पाली पोलिसांकडून मिळालेल्या माहितीनुसार रमेश शांताराम पवार (वय 24) हा दुचाकी चालवीत संतोष पवार याला सोबत घेऊन जात होता. यावेळी शर्मा फार्म हाऊस समोर अचानक रस्त्यात म्हशी आडव्या आल्याने त्यांना धडक लागून अपघात झाला.
या घटनेत रमेश शांताराम पवार याला गंभीर दुखापत होऊन नाका तोंडातून व डोक्यातून रक्तस्त्राव झाला आणि रमेशचा मृत्यू झाला. तर गंभीर जखमी असलेल्या संतोष रामचंद्र पवार यास उपचारासाठी जिल्हा सामान्य रुग्णालय अलिबाग येथून मुंबईला नेत असतांना त्याचा देखील रस्त्यात मृत्यू झाला. या घटनेचा पुढील तपास पाली पोलिस निरीक्षक विश्वजित काइंगडे यांच्या मार्गदर्शनाखाली पोलीस नाईक एस. एन. फडताडे करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
