पाली : काँग्रेस अध्यक्ष मल्लिकार्जुन खर्गे यांचे पुत्र व कर्नाटक सरकारमधील मंत्री प्रियांक खर्गे यांनी स्वातंत्र्यवीर सावरकरांबाबत अवमानजनक विधान केले आहे. त्याचा निषेध करण्यासाठी शनिवारी (ता.9) पाली शहर भाजपतर्फे पालीत तीव्र आंदोलन करण्यात आले. यावेळी प्रियांक खर्गे यांच्या प्रतिमेला जोडे मारून व घोषणा देत निषेध करण्यात आला.
यावेळी भाजप जिल्हा उपाध्यक्ष आलाप मेहता म्हणाले की देशाच्या स्वातंत्र्यासाठी व समाज कल्याणासाठी ज्यांनी आपले संपूर्ण आयुष्य अर्पण केले अशा स्वातंत्र्यवीरांचा अपमान हा सर्व महापुरुषांचा व या देशाचा अपमान आहे.
भारतीय जनता पक्ष व महाराष्ट्रातील जनता हा अपमान कधीही सहन करणार नाही. तरी त्यांच्या या विधानाचा पाली शहर भारतीय जनता पक्षातर्फे निषेध व्यक्त करण्यात आला. या निषेध आंदोलनाचे सर्व नियोजन पाली शहर सरचिटणीस सुशील शिंदे यांनी केले होते.
या आंदोलनात महाराष्ट्र भाजप कार्यकारणी सदस्य राजेश मपारा, जिल्हा उपाध्यक्ष आलाप मेहता, सुधागड तालुका अध्यक्ष श्रीकांत ठोंबरे, पाली शहर सरचिटणीस सुशील शिंदे, नगरसेवक पराग मेहता, नरेश खाडे, प्रणाली शेट, योगिता द्रविड,
वासूदेव मराठे, प्रदीप (दादू) गोळे, राजेंद्र गांधी, प्रदीप तिवारी, वैभव जोशी, गणेश चौधरी, परशुराम निंबाळकर, निलेश पवार, रवी ठोंबरे, अजित खंडागळे, श्री. थोरवे व इतर पदाधिकारी व कार्यकर्ते उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
