रत्नागिरी : वाढत्या उन्हामुळं जिल्ह्यातील पाणीटंचाईची (Water Shortage) तीव्रता वाढली असून, २३ हजार १०९ लोकांना पाणीटंचाईची झळ बसत आहे. सध्या ६० गावांतील ११७ वाड्यांना टँकरद्वारे पाणीपुरवठा (Water Supply Through Tankers) केला जातो. गतवर्षीपेक्षा यंदा ३६ अधिक वाड्यांना टँकरने पाणी द्यावे लागत आहे.
जिल्ह्यात गेल्या आठवड्यात ४२ गावातील ८५ वाड्यांतील १७ हजार ४५ लोकांना पाणीटंचाईला सामोरे जावे लागत होते. वाढलेल्या उन्हाच्या कडाक्यामुळे टंचाईग्रस्त गावांमध्ये भर पडली आहे. दुर्गम भागात वसलेल्या गावांमध्ये टंचाईची झळ जाणवत आहे. या वेळेस उन्हाचा कडाका आणखीन काही दिवस राहण्याची शक्यता आहे. मान्सून लांबल्यास मेच्या अखेरीस टँकरग्रस्त गावांच्या संख्येत मोठी वाढ होण्याचा संभव आहे. जिल्ह्यात ११७ वाड्यांत पाणीटंचाई असूह आतापर्यंत टँकरच्या ५७७ फेऱ्याद्वारे पाणी पुरवण्यात आले.
राजापूर आणि गुहागर तालुके पाणीटंचाईपासून दूर आहेत. मात्र अन्य सात तालुक्यांतील टंचाईग्रस्त वाड्यांना टँकरने पाणीपुरवठा करावा लागत आहे. आतापर्यंत टंचाईग्रस्त गावांत पाणीपुरवठ्यासाठी खेड तालुक्यात १३७, तर रत्नागिरी तालुक्यात १७३, चिपळूण तालुक्यात १०३ टँकरच्या सर्वाधिक फेऱ्या झालेल्या आहेत. त्याखालोखाल मंडणगड ३९, दापोली २०, संगमेश्वर ५६, लांजा ४९ टँकर फेऱ्यांचा समावेश आहे. गतवर्षी याच कालावधीत जिल्ह्यात ५२ गावांतील ८१ वाड्यांना आठ टँकरने पाणीपुरवठा सुरू होता.
तालुका गाव वाडी टँकर
मंडणगड ४ ६ १
दापोली ४ ५ १
खेड २२ ५० १
चिपळूण १० १३ २
रत्नागिरी ३ १२ ३
लांजा ३ ५ १
संगमेश्वर १४ २६ २
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
