सबस्क्राईब करा
दगडांमध्ये सेल्फी काढत असताना समुद्राच्या लाटेने तो समुद्रात ओढून वाहून जाऊ लागला. त्याला वाचविण्याचा भरपूर प्रयत्न झाला; परंतु त्यांच्या प्रयत्नाला यश आले नाही.
रत्नागिरी : धोकादायक ठिकाणी उभा राहून सेल्फी काढणे एका तरुणाच्या जीवावर बेतले आहे. शहरातील भगवती बंदर ब्रेकवॉटर वॉल येथे समुद्रात सेल्फी काढताना लाटेसोबत वाहून गेल्याने तरुणाचा मृत्यू झाला.
रविवारी (ता. १) घटना घडली. बुडालेल्या तरुणाचा मृतदेह स्थानिक तरुणांनी बाहेर काढला. अल्लाउद्दीन नसिरूद्दीन मोंडल (वय १९, मूळ रा. पश्चिम बंगाल, सध्या रा. मिरकरवाडा, रत्नागिरी) असे मृत तरुणाचे नाव आहे.
याबाबत पोलिसांनी दिलेली माहिती, मोंडल हा हार्बर अटलांटिक फिश एक्स्पोर्ट या कंपनीत कामाला होता. रविवारी कंपनीला सुट्टी असल्याने तो मित्रासोबत भगवती बंदर येथील ब्रेकवॉटर वॉलवर गेला होता. तिथे फिरत असताना समुद्राच्या पाण्याजवळ गेला आणि या धोकादायक ठिकाणी सेल्फीचा मोह त्याला अनावर झाला.
दगडांमध्ये सेल्फी काढत असताना समुद्राच्या लाटेने तो समुद्रात ओढून वाहून जाऊ लागला. त्याला वाचविण्याचा भरपूर प्रयत्न झाला; परंतु त्यांच्या प्रयत्नाला यश आले नाही. याबाबत त्याचा मित्र राकीबुल इस्लाम साहेब अली मोल्ला याने फोन करून अल्लाउद्दीन मोंडल पाण्यात वाहून जात असल्याचे सांगितले.
तसे कंपनीतील इतर कामगारांनी घटनास्थळी धाव घेतली. त्यांनी अल्लाउद्दीनला समुद्राच्या पाण्यातून बाहेर काढून रुग्णवाहिकेतून जिल्हा शासकीय रुग्णालयात दाखल केले. तेथील वैद्यकीय अधिकाऱ्यांनी मोंडलला तपासून मृत घोषित केले. या प्रकरणी शहर पोलिस ठाण्यात आकस्मिक मृत्यूची नोंद करण्यात आली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
