नवी दिल्ली : जागतिक क्रिकेट वर्तुळात सध्या भारताची पत सर्वात जास्त आहे. भारतीय क्रिकेटने कामगिरीच्या पातळीवर आणि आर्थिक पातळीवर देखील मोठी मजल मराली आहे. असे असले तरी भारतीय क्रिकेट इतिहासात 1983 साली जिंकलेल्या वर्ल्डकपचे एक अनन्यसाधारण महत्व आहे. (25th June 1983 World Cup Winner Indian Team Salary Given By BCCI)
आजच्याच दिवशी म्हणजे 25 जून 1983 साली भारताने पहिल्यांदाच वर्ल्डकपवर नाव कोरत इतिहास रचला होता. त्यानंतर आता भारतीय क्रिकेटने बरीच प्रगती केली आहे. आर्थिक दृष्ट्या आता बलाढ्य असलेल्या भारतीय क्रिकेटचा तो काळ मात्र पैशाच्या बाबतीत फारसा समृद्ध नव्हता. कपिल देव यांच्या नेतृत्वात वर्ल्डकप जिंकणाऱ्या संघाला त्यावेळी फक्त 2100 रूपये पगार मिळाला होता.
कपिल देव यांच्या नेतृत्वात भारतीय संघाने 25 जून 1983 ला पहिला वर्ल्डकप जिंकला होता. आज भारतात क्रिकेट ज्या प्रसिद्धीच्या शिखरावर जावून पोहचले आहे त्याची पायाभरणी ही 25 जून 1983 ला झाली होती. ज्यावेळी भारतीय संघ इंग्लंडमध्ये दाखल झाला होता त्यावेळी कपिल देव यांच्या नेतृत्वातील संघाकडून फार अपेक्षा केल्या जात नव्हत्या. मात्र भारताने फायनल गाठली आणि फायनलमध्ये त्याकाळच्या अत्यंत बलाढ्य अशा वेस्ट इंडिजला 43 धावांनी पराभूत करत इतिहास रचला.
या इतिहास रचणाऱ्या संघाला त्या काळी सामन्याचे मानधन म्हणून 1500 रूपये मिळायचे. तसेच प्रती दिवसाचा 200 रूपये भत्ता याप्रमाणे 600 रूपये मिळाले होते. म्हणजे त्यावेळी वर्ल्डकप जिंकणाऱ्या संघाला बीसीसीआयने एकूण 2100 रूपये दिले होते. त्यानंतर बीसीसीआयने लता मंगेशकर यांचा कॉन्सर्ट ठेवून 20 लाख रूपयाचा फंड गोळा केला होता. यानंतर खेळाडूंना प्रत्येकी 1 लाख रूपये देण्यात आले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
