Estadio Monumental Chile : चिलीत शुक्रवारी फुटबॉल स्टेडियमचा काही भाग चाहत्यांच्या अंगावर कोसळल्याने काही चाहते जखमी झाले. याबाबतचा व्हिडिओ सध्या सोशल मीडियावर व्हायरल होत आहे. ही घटना चिलीयन फुटबॉल क्लब कोलो कोलोच्या सराव सत्रादरम्यान झाली. यावेळी काही अतीउत्साही चाहते स्टँडला लागून असलेल्या जाहिरातीच्या बोर्डवर चढले होते. त्यामुळेच स्टेडियमच्या छताचा काही भाग कोसळला.
कोलो कोलो क्लबचे फॅन्स स्टेडियमवरील जाहिरातीच्या बोर्डवर चढल्याने इस्ताडियो मोन्यूमेंटलचा काही भाग कोसळला. या स्टेडियमची प्रेक्षक क्षमता जवळपास 45 हजार इतकी आहे. या स्टेडियमवर सध्या हंगामाचा सुरूवातीचे सराव सत्र आयोजित करण्यात आले होते. मात्र काही चाहत्यांच्या अतिउत्साहीपणामुळे ही दुर्घटना झाली. या दुर्घटनेत अनेक चाहते जखमी झाल्याची शक्यता वर्तवली जात आहे. हे सर्व चाहते स्टेडियमच्या उद्घाटनाला 33 वर्षे पूर्ण झाल्यानिमित्त एकत्र जमले होते.
दरम्यान, सराव सत्रासाठी आलेलेल्या फुटबॉलपटूंनी या घटनेवर 'लोक प्रोत्साहन देण्यासाठी आले होते. ते सर्व आनंद घेत होते. वैयक्तिकरित्या मला लोकांना हे करू नका असे सांगितले तर राग येतो. ते सहसा चांगले वर्तन करतात. मला वाटते की अशी घटना पुन्हा घडू नये.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
