Sanju Samson : तुला नंतर लक्षात येईल त्यामुळे... संजूला माजी क्रिकेटपटूने दिला मोलाचा सल्ला

Sanju Samson : बीसीसीआय ज्यावेळी संघाची घोषणा करते त्या त्यावेळी संजू सॅमसन हमखास सोशल मीडियावर ट्रेंड करत असतो. संजू सॅमसन संघात असवा असे प्रत्येक क्रिकेटप्रमीला वाटत असते. मात्र संजू सॅमसनला संधी मिळाल्यावर तो त्या संधीचा पुरेपूर फायदा उचलत नाहीये.

वनडे मालिकेत एक अर्धशतक ठोकले होते. मात्र वेस्ट इंडीज विरूद्धच्या टी 20 मालिकेत त्याला लौकिकास साजेसा असा खेळ करता आलेला नाही. सॅमसनने दोन टी 20 सामन्यात फक्त 19 धावा केल्या आहेत.

त्याला तिसऱ्या टी 20 सामन्यात फलंदाजी करण्याची संधी मिळाली नाही. आता त्यांच्याकडे स्वतःला सिद्ध करण्यासाठी दोनच सामने आहेत. त्यामुळे माजी खेळाडू आकाश चोप्राने संजूला एक मोलाचा सल्ला दिला आहे.

बीसीसीआय आणि संघ व्यवस्थापन वनडे वर्ल्डकपसाठीचा संघ तयार करत आहेत. संघासाठी खेळाडूंची चाचपणी अंतिम टप्प्यात आली आहे. अशा परिस्थितीत संजू सॅमसनला आपली उपयुक्तता सिद्ध करून दाखवावी लागणार आहे. त्याने वेस्ट इंडीज विरूद्धच्या तिसऱ्या वनडे सामन्यात 41 चेंडूत 51 धावांची खेळी केली होती.

मात्र टी 20 मालिकेत त्याला चांगली कामगिरी करता आली नाही. याबाबत आकाश चोप्रा आपल्या यूट्यूब चॅनलवर बोलताना म्हणाला की, 'संजू सॅमसन तू मिळालेली संधी दवडू नकोस. जर तू संधी वाया घालवलीस तर त्याचा तुला नंतर पश्चाताप होईल. इशान किशन जागा पटकावेल आणि संजू बाहेर जाईल असं नाही तर दोघंही जातील अन् जितेश शर्मा त्यांची जागा घेऊ शकतो.'

सूर्यकुमार यादवने तिसऱ्या टी 20 सामन्यात 44 चेंडूत 83 धावा चोपून काढत संजूचे टेन्शन वाढवले. वनडे वर्ल्डकप संघात संजू आणि सूर्या मधल्या फळीतील जागेसाठी एकमेकांचे स्पर्धक आहेत. सूर्याची वनडे कामगिरी तितकी चांगली नाही. मात्र त्याने टी 20 मध्ये चांगली कामगिरी करत आहे.

संजू सॅमसन हा वनडेमध्ये भारताचा विकेटकिपर म्हणून तिसरी पसंती आहे. संघ व्यवस्थापन केएल राहुलला पहिली पसंती देणार आहे. तो सध्या संघात पुनरागमन करण्याच्या तयारीत आहे. इशान किशनने देखील आपली वनडे संघातील जागा पक्की केली आहे.

(Sports Latest News)