Aaron Finch T20 World Cup : टी-20 विश्वचषकापूर्वी यजमान ऑस्ट्रेलियन संघाला मोठा धक्का बसू शकतो. पर्थमध्ये इंग्लंडविरुद्धच्या पहिल्या टी-20 सामन्यात गैरवर्तन केल्याप्रकरणी ऑस्ट्रेलियन कर्णधार ॲरॉन फिंचला दंड ठोठावण्यात आला आहे. फिंच आयसीसीच्या नियमांचे उल्लंघन केल्याप्रकरणी दोषी आढळला आहे.
आयसीसीने जारी केलेल्या निवेदनानुसार इंग्लंडच्या डावाच्या 9व्या षटकात ॲरॉन फिंचने अंपायरसमोर अपशब्द वापरले. या कारणास्तव ॲरॉन फिंचला आयसीसीच्या आचारसंहितेच्या कलम 2.3 चे उल्लंघन केल्याबद्दल दोषी ठरवण्यात आले आहे. ॲरॉन फिंचने हे आरोप मान्य केले असून यासंदर्भात त्याच्या शिस्तबद्ध रेकॉर्डमध्ये एक मुद्दा नोंदवण्यात आला आहे. म्हणजेच भविष्यात त्याने असे काही केल्यास त्याच्यावर मोठी कारवाई होऊ शकते.
ऑस्ट्रेलियन कर्णधार ॲरॉन फिंचची गेल्या दोन वर्षात ही पहिली चूक आहे. तरीही त्याला धोका आहे, कारण आयसीसीच्या नियमांनुसार एखाद्या खेळाडूच्या शिस्तीच्या रेकॉर्डमध्ये चार गुण वजा झाल्यास त्या खेळाडूवरही बंदी घातली जाऊ शकते. म्हणजेच ॲरॉन फिंचने त्याच्या चुकीची पुनरावृत्ती केल्यास तो इंग्लंडविरुद्ध सुरू असलेल्या मालिकेतून किंवा T20 विश्वचषकातूनही बाहेर होऊ शकतो.
इंग्लंड आणि ऑस्ट्रेलियाविरुद्ध सुरू असलेल्या मालिकेत अजून दोन टी-20 सामने बाकी आहेत. या मालिकेतील पहिला सामन्यात ऑस्ट्रेलियाचा पराभव झाला होता. 2022 च्या टी-20 विश्वचषक स्पर्धेत ऑस्ट्रेलिया संघाचे नेतृत्व आरोन फिंच करणार आहे. ऑस्ट्रेलियाचा पहिला सामना 22 ऑक्टोबरला न्यूझीलंडशी होणार आहे.
वर्ल्ड कपसाठी ऑस्ट्रेलियाचा संघ :
ॲरॉन फिंच (कर्णधार), मॅथ्यू वेड, डेविड वॉर्नर, मार्कस स्टोयनिस, एश्टन एगर, पॅट कमिन्स, टिम डेविड, जोश हेजलवुड, जोश इंग्लिस, मिचेल मार्श, ग्लेन मॅक्सवेल, केन रिचर्डसन, स्टीव स्मिथ, मिचेल स्टार्क आणि एडम जाम्पा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
