FIFA World Cup 2022 Qatar Fan Protest : कतारमध्ये होत असलेला फिफा वर्ल्डकप 2022 हा जसा तेथील नयनरम्य आणि अत्याधुनिक स्टेडियमसाठी ओळखला जात आहे. तसाच तो जाचक नियम आणि दडपशाहीसाठी देखील ओळखला जात आहे. मात्र कतार प्रशासनाच्या या जाचक अटी अन् नियामांना झुंगारून देत काही फुटबॉल चाहत्यांनी दडपशाहीविरूद्ध उठाव केल्याचेही आतापर्यंतच्या वर्ल्डकप सामन्यात दिसून आले आहे. काल झालेल्या पोर्तुगाल आणि उरूग्वे सामन्यात देखील मारियो फेरी या चाहत्याने कतारचे सगळे कडक नियम, आणि धमक्यांना धाब्यावर बसवत LGBTQ+ समुदाय, युक्रेन, इराणच्या महिलांचे स्वतंत्र्य यांना जाहीर समर्थन दिले.
पोर्तुगाल आणि उरूग्वे यांच्यातील हाय व्होल्टेज सामना सुरू असतानाच फुटबॉल चाहता मैदानात LGBTQ+ समुदायाचे प्रतिक असलेला झेंडा घाऊन मैदानात धावू लागला. लुसैस स्टेडियमवरील सुरक्षा रक्षक त्याला पकडण्यासाठी त्याच्या मागे धावू लागले. मात्र या शर्यतीत कतारचा सुरक्षा रक्षक खूप मागे पडला. विशेष म्हणजे या फुटबॉल चाहत्याने आपल्या टीशर्टवर पुढे सेव्ह युक्रेन आणि पाठीमागे इराणी महिला स्वातंत्र्याला पाठिंबा देणारा मजकूर लिहिला होता. यामुळे या चाहत्याने एकाचवेळी तीन विषयांना हात घालत आपले अनोखे आंदोलन केले. कतारमध्ये समलैंगिकता हा एक मानसिक आजार असून त्याला मान्यता नाहीये.
दरम्यान, इराणची महिला पत्रकार मसिह अलीनेजाद यांनी या आंदोलक फुटबॉल चाहत्याचे नाव उघड केले. मसिह यांनी ट्विट केले की, 'मारियो फेरी सारखे शूर व्हा. कतारने LGBTQ झेंडा आणि महिलांच्या स्वातंत्र्याबाबतच्या घोषणाबाजीवर प्रतिबंध घातला आहे. या शूर व्यक्तीने भर मैदानात LGBTQ, इराणी महिला आणि युक्रेनचे समर्थन करून आपण इतिहासाच्या योग्य गटात असल्याचे दाखवून दिले. कतारच्या सरकार सारखं होऊ नका. मारिया फेरी सारखं व्हा.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
