Chess News: भारतात सध्या बुद्धीबळ खेळाला मोठी चालना मिळाल्याचे दिसून येत आहे. भारतातील अनेक युवा खेळाडू आंतरराष्ट्रीय स्तरावर चमकत आहेत. अशात आता अवघ्या ३ वर्षाच्या अनीश सरकारने मोठा विक्रम केला आहे. त्याने फिडे चेस रेटिंगमध्ये स्थान मिळवले आहे.
अनीश कोलकातामध्ये राहत असून आता तो फिडे रेटिंग मिळवणारा जगातील सर्वात युवा खेळाडू ठरला आहे. त्याला जेव्हा फिडे रेटिंग मिळाले, तेव्हा त्याचे वय तीन वर्षे, ८ महिने आणि १९ दिवस होते.
अनीशचा जन्म २६ जानेवारी २०२१ रोजी झाला आहे. त्याने आत्तापर्यंत विविध स्पर्धांमध्ये चांगली कामगिरी केली आहे.
