बॉलिवूड अभिनेत्री अनुष्का शर्मा सध्या पती आणि भारतीय क्रिकेट संघाचा कर्णधार विराट कोहलीसोबत इंग्लंडमध्ये आहे. विरुष्काने लीड्सच्या एका भारतीय रेस्टोरंटमध्ये ओणम उत्सव मोठ्या उत्साहाने साजरा केल्याचे पाहायला मिळाले. विराट आणि अनुष्काने केलेल्या सेलिब्रेशनचे फोटो आणि व्हिडिओ सोशल मीडियावर व्हायरल होत असून त्याला चांगलीच पंसती मिळताना दिसते. विराट कोहलीने रेस्टोरंटसाठी एक खास संदेशही लिहिलाय, याचीही चर्चा रंगली आहे.
विराट आणि अनुष्काने लीड्समधील भारतीय रेस्टोरंटमध्ये केरळच्या खास डिशेसचा आनंद घेतला. व्हायरल होणाऱ्या फोटोमध्ये अनुष्का पांढऱ्या रंगाच्या ड्रेसमध्ये दिसत आहे. तिने खांद्याला अडकवलेली स्लिंग बॅग आणि गळ्यात घातलेला नेकलेसही लक्षवेधी असा ठरतोय. विराट कोहलीने काळ्या रंगाचा टी-शर्ट घातल्याचे फोटोमध्ये दिसते. अनेक फोटोमध्ये या स्वीट कपलने हॉटेलमधील स्टाफ सदस्यांसोबतही खास पोझ दिलीये.
विराट कोहलीने रेस्टोरंटसंदर्भात लिहिला खास संदेश
विराट कोहली फॅन क्लब सोशल मीडिया अकाउंटवरुन एक खास फोटो शेअर करण्यात आला आहे. या फोटोत विराटने एका प्लेटवर काळ्या मार्करने रेस्टोरंटसाठी खास मेसेज लिहिल्याचे दिसते. "या ठिकाणी येऊन खाद्य पदार्थांचा अस्वाद घेण्याला नेहमीच आम्ही पसंती देतो. इथला पाहुणचार अविश्वसनीय असतो. नेहमीच आम्हाला प्रेम मिळते, असे त्याने आपल्या मेसेजमध्ये लिहिले आहे.
विराट कोहलीच्या नेतृत्वाखालील भारतीय संघ इंग्लंड दौऱ्यावर आहे. या दौऱ्यापूर्वी देखील अनुष्का आणि विराट यांनी एकमेकांसोबत क्वलिटी टाइम घालवल्याचे पाहायला मिळाले होते. दुसऱ्या कसोटी सामन्यानंतर पुन्हा एकदा हे स्विट कपल एकत्रित सुट्टीचा आनंद घेताना दिसले. भारतीय संघाने दोन कसोटी सामन्यानंतर इंग्लंड विरुद्धच्या कसोटी मालिकेत 1-0 अशी आघाडी घेतली आहे. हेडिंग्ले येथील लीड्सच्या मैदानात भारतीय संघ तिसऱ्या कसोटी सामन्यासाठी उतरणार आहे. या सामन्यातील विजयासह भारतीय संघ आघाडी भक्कम करण्यासाठी प्रयत्नशील असेल. विराट कोहलीला अद्याप नावला साजेसा खेळ करण्यात अपयश आले आहे. विक्रमादित्य सचिन तेंडुलकरच्या शतकांचा वेगाने पाठलाग करण्याची त्याची गती थोेडी मंदावल्याचे दिसते. वर्षाहून अधिक काळ लोटून गेल्यानंतरही विराटच्या भात्यातून शतकी तडका पाहायला मिळालेला नाही. इंग्लंडविरुद्धच्या तिसऱ्या कसोटी सामन्यात तरी विराट कोहलीचा शतकी दुष्काळ संपणार का? हे पाहणे महत्त्वाचे ठरेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
