नवी दिल्ली - प्रथमेश जावकर व अवनीत कौर या भारतीय तिरंदाजांनी शंघाय येथे सुरू असलेल्या जागतिक तिरंदाजी विश्‍वकरंडकात (स्टेज टू) शानदार कामगिरी करीत वैयक्तिक कंपाऊंड प्रकाराची उपांत्य फेरी गाठली. दोघांनीही अंतिम फेरीत प्रवेश केल्यास वैयक्तिक प्रकारात त्यांना पहिलेवहिले पदक जिंकता येणार आहे.
एकीकडे रिकर्व्ह प्रकारातील सांघिक गटात अपयश आले असताना कंपाऊंड प्रकारात भारतीयांनी अचूक बाण सोडला. १९ वर्षांच्या प्रथमेश याने उपांत्यपूर्व फेरीच्या लढतीत दक्षिण कोरियाच्या योंगही चोई याच्यावर १४९-१४८ अशी मात केली आणि अंतिम चारमध्ये प्रवेश केला. आता त्याच्यासमोर इस्तोनियाच्या रॉबिन जातमा याचे आव्हान असणार आहे.
१८ वर्षीय अवनीत हिने अव्वल मानांकित कोरियाची ओह युह यून हिच्यावर रोमहर्षक विजय मिळवला आणि उपांत्यपूर्व फेरीत प्रवेश केला. त्यानंतर अवनीत हिने मेक्सिकोच्या डॅफने क्विनटेरो हिच्या च्यावर १४७-१४४ अशी मात केली आणि पदक पटकावण्याच्या दिशेने वाटचाल केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
