Asia Cup 2022 : आशिया कपसाठी रोहित, विराटसह सर्वांची होणार फिटनेस टेस्ट

Asia Cup 2022 : यंदाचा आशिया कप हा युएईमध्ये 27 ऑगस्ट रोजी सुरू होणार आहे. भारत आशिया कपमध्ये आपले अभियान 28 ऑगस्ट रोजी पाकिस्तान विरूद्धच्या सामन्याने करणार आहे. आशिया कपमध्ये भारताला टी 20 वर्ल्डकपमधील पराभवाचे उट्टे काढण्याची संधी आहे. युएईमध्येच झालेल्या टी 20 वर्ल्डकपमध्ये पाकिस्तानने भारताचा इतिहासात पहिल्यांदाच पराभव केला होता.

दरम्यान, आशिया कपसाठी निवडलेला संघ बंगळुरूच्या राष्ट्रीय क्रिकेट अकादमीत सराव करणार आहे. याचदरम्यान, संघाची फिटनेस टेस्ट देखील होणार आहे. भारताचा कर्णधार रोहित शर्मा, विराट कोहली यांना देखील फिटनेस टेस्ट द्यावी लागणार आहे. ही फिटनेस चाचणी एनसीएमध्ये 18 ऑगस्ट रोजी होणार असून संघ 20 ऑगस्टला युएईला रवाना होईल. त्यानंतर पाकिस्तानविरूद्धच्या सामन्यापूर्वी एक आरोग्य तपासण देखील होणार आहे.

आशिया कपसाठीचा भारतीय संघ :

रोहित शर्मा (कर्णधार), केएल राहुल (उपकर्णधार), विराट कोहली, सूर्यकुमार यादव, दीपक हुड्डा, ऋषभ पंत, दिनेश कार्तिक, हार्दिक पांड्या, रविंद्र जडेजा, आर. अश्विन, भुवनेश्वर कुमार, युझवेंद्र चहल, रवी बिश्नोई, अर्शदीप सिंग, आवेश खान.