Asia Cup 2023 : आशिया कप 2023च्या दुसऱ्या सामन्यात टीम इंडियाचा सामना नेपाळशी होत आहे. या सामन्यात नाणेफेक जिंकल्यानंतर टीम इंडियाचा कर्णधार रोहित शर्माने प्रथम गोलंदाजी करण्याचा निर्णय घेतला.
पण टीम इंडियाच्या खराब क्षेत्ररक्षणामुळे नेपाळला पहिल्या 20 चेंडूत तीन संधी मिळाल्या. टीम इंडियाचे स्टार क्षेत्ररक्षक विराट कोहली, श्रेयस अय्यर आणि इशान किशन यांनी नेपाळच्या सलामीवीरांचे सोपे झेल सोडले. यानंतर कर्णधार रोहित शर्मा चांगलाच संतापलेला दिसत होता.
नेपाळच्या डावातील तिसरा झेल इशान किशनने सोडताच रोहित चांगलाच संतापला होता. इशानने पाचव्या षटकात मोहम्मद शमीच्या चेंडूवर कुशल भुर्तेलचा यष्टीमागे सोपा झेल सोडला. यानंतर रोहितने आपले दोन्ही हात पुढे करून नाराज प्रतिक्रिया दिली. नेपाळला पहिल्या 5 षटकांत तीन संधी मिळाल्यानंतर त्यांची धावसंख्या 10 षटकांपूर्वीच 60 च्या पुढे गेली. जिथे एकीकडे गोलंदाज सतत विकेट्सच्या संधी निर्माण करत होते, मात्र खेळाडूची साथ मिळत नव्हती.
नेपाळचा सलामीवीर कुशल भुर्तेलचा मोहम्मद शमीच्या पहिल्याच ओव्हरच्या शेवटच्या चेंडूवर श्रेयस अय्यरने स्लिपमध्ये सोपा झेल सोडला.
पहिल्या ओव्हरच्या शेवटच्या चेंडूवर कॅच सुटल्यानंतर विराट कोहलीने दुसऱ्या षटकाच्या पहिल्या चेंडूवर एक घोडचूक केली. यावेळी आसिफ शेखला जीवदान मिळाले. एवढा साधा झेलही विराट चुकवू शकतो यावर कोणाचाही विश्वास बसत नव्हता.
यानंतर शार्दुल ठाकूरने संघाला पहिले यश मिळवून दिले. शार्दुलने 10व्या षटकाच्या पाचव्या चेंडूवर भुर्तेलला यष्टिरक्षक इशान किशनकरवी झेलबाद केले. मात्र तोपर्यंत त्याने 38 धावा केल्या होत्या. पहिला सामना पावसामुळे वाहून गेल्यानंतर टीम इंडियाला नेपाळविरुद्ध कोणत्याही परिस्थितीत विजय मिळवणे आवश्यक आहे. कारण जर संघ हा सामना हरला तर ते सुपर 4 मध्ये पोहोचू शकणार नाहीत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.