पॅरिस ऑलिम्पिक स्पर्धेतील कांस्यपदक विजेत्या भारतीय पुरुष हॉकी संघाने आशियाई चॅम्पियन्स ट्रॉफी २०२४ स्पर्धेतील अपराजित मालिका कायम राखली. कर्णधार हरमनप्रीत सिंगचा दरारा याही सामन्यात पाहायला मिळाला आणि त्यासमोर पाकिस्तानचा संघ हरला. सुरुवातीच्या काही मिनिटांत आघाडी घेऊनही पाकिस्तानला तगड्या भारतीय संघाने पराभवाची चव चाखवली. पाकिस्तानने सामन्यात पुनरागमनासाठी जोर लावला, परंतु भारताचा गोलरक्षक कृष्णा पाठक याने अप्रतिम बचाव केला. पाकिस्तानचा या स्पर्धेतील पहिलाच पराभव ठरला.