Asian Games 2023 : भारतीय फुटबॉल संघाचे मुख्य प्रशिक्षक इगोर स्टिमक यांनी पंतप्रधान नरेंद्र मोदी यांच्याकडे एक खास विनंती केली आहे. त्यांनी सोशल मीडियावर एक भलीमोठी पोस्ट लिहून भारतीय फुटबॉल संघाला एशियन गेम्समध्ये सहभागी होण्यासाठी पंतप्रधानांनी हस्तक्षेप करण्याची विनंती केली.
अखिल भारतीय फुटबॉल महासंघाने स्टिमक यांच्या मार्गदर्शनाखाली खेळणाऱ्या 23 वर्षाखालील संघ 23 सप्टेंबरपासून सुरू होणाऱ्या एशियन गेम्समध्ये सहभागी होईल.
भारतीय फुटबॉल संघ टॉप 8 संघात सामिल होण्यासाठी क्रीडा मंत्रालयाचे निकष पूर्ण करत नाही. स्टिमक यांनी आपल्या पोस्टमध्ये लिहिले की, 'मी तुमच्या लक्षात आणून देऊ इच्छितो की 2017 मधील आमचा 17 वर्षाखालील संघ आता 23 वर्षाखालील स्पर्धा खेळत आहे.
त्यांनी 23 वर्षाखालील वर्ल्डकप पात्रता फेरीत देखील चांगली कामगिरी केली आहे. हा संघ खूप गुणवान आहे. आता या संघाला एशियन गेम्समध्ये सहभागी होण्यापासून रोखलं जात आहे.' प्रशिक्षक स्टिमक यांनी पंतप्रधानांसोबतच केंद्रीय क्रीडामंत्री अनुराग ठाकूर यांना देखील विनंती केली.
भारतीय ऑलिम्पिक संघ आणि सर्व राष्ट्रीय खेळ महासंघाना पाठवलेल्या पत्रात क्रीडा मंत्रालयाने म्हटले आहे की, 'सांघिक स्पर्धांमध्ये फक्त अशाच खेळांना सामिल करण्याचा विचार केला जावा जे खेळ आशियातील देशांमध्ये खेळल्या जाणाऱ्या गेल्या एक वर्षामधील स्पर्धेत पहिल्या 8 संघात स्थान मिळवलं आहे.' भारताचा 23 वर्षाखालील भारतीय फुटबॉल संघ 2002 पासून एशियन गेम्समध्ये सहभागी होत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
