हांग् चौऊ - आशियाई क्रीडा स्पर्धेत भारताचा पुरुष हॉकी संघ गतविजेते म्हणून आपली मोहीम उद्यापासून सुरु करणार आहे. यंदाही सुवर्णपदकाचे लक्ष्य असले तरी प्रमुख लक्ष्य पॅरिस ऑलिंपिकमध्ये पात्रता मिळवण्याचे असणार आहे. उद्या उझबेकिस्तानविरुद्ध सलामीची लढत होत आहे.
जागतिक हॉकीच्या रँकिंगमध्ये भारताचा संघ तिसऱ्या स्थानावर आहे तर उझबेकिस्तानचे मानांकन ६६ वे आहे. त्यामुळे भारताचे निर्विवाद वर्चस्व अपेक्षित आहे मात्र या सामन्यात जास्तीत जास्त गोल करुन सरासरी सलामीलाच उंचावण्यावर भर असणार आहे.
या आशियाई क्रीडा स्पर्धेत सुवर्णपदक जिंकणारा संघ पॅरिस ऑलिंपिकसाठी पात्र ठरणार आहे. भारताच्या अ गटात उझबेकिस्तानसह जपान, पाक, बांगलादेश आणि सिंगापूर यांचा समावेश आहे. तर ब गटात कोरिया, मलेशिया, चीन, ओमन, थायलंड आणि इंडोनेशिया यांचा समावेश आहे.
ब गटात भारतीय संघच ताकवर असल्यामुळे उपांत्य फेरी निश्चित समजली जात आहे. परंतु हरमनप्रीत सिंग नेतृत्व करत असलेल्या या संघाला जपान आणि पारंपरिक प्रतिस्पर्धी पाककडून आव्हान अपेक्षित आहे. चेन्नईत नुकत्याच झालेल्या आशिया अजिंक्यपद स्पर्धेत भारताला जपानने १-१ असे बरोबरीत रोखल होते. मात्र साखळी सामन्यात भारताने याच जपानचा ५-० असा धुव्वा उडवला होता त्यामुळे भारताला कामगिरीत सातत्य राखवे लागणार आहे.
गेल्या काही सामन्यात पाकवर भारताने निर्विवाद वर्चस्व मिळवलेले असले तरी ही आशियाई क्रीडा स्पर्धा असल्याने भारताला सावध रहावे लागणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
