Asian Para Games : हात नसलेल्या शीतल देवीने रचला इतिहास; एकाच सत्रात जिंकले दोन सुवर्ण

Asian Para Games : भारताची हात नसलेल्या शीतल देवीने तिरंदाजीमध्ये एका सत्रात दोन सुवर्ण पदक जिंकून मोठी कामगिरी केली. एकाच सत्रात दोन सुवर्ण पदक जिंकणारी ती भारताची पहिली महिला ठरली आहे. तिने आज महिला वैयक्तिक तिरंदाजी प्रकारात अव्वल स्थान पटकावले.

जम्मू काश्मीरची 16 वर्षाची शीतल ही पायाने तिरंदाजी करते. तिने पहिल्या कांपाऊंड मिश्र प्रकारात सुवर्ण आणि महिला दुहेरीत रौप्य पदक जिंकले होते. शीतल ही किश्तवाड येथील एका दुर्गम भागातील सैन्याच्या शिबीरात राहत होती. त्यानंतर भारतीय लष्कराने तिला लहान असतानाच दत्तक घेतलं.

जुलै महिन्यात झालेल्या पॅरा जागतिक तिरंदाजी चॅम्पियनशिपमध्ये सिंगापूरच्या अलीम नूर एस ला 144.142 गुणांनी पराभूत करत तिने सुवर्ण पदक जिंकले होते. अकुर धामा हा याच आठवड्यात भारताकडून एकाच सत्रात दोन सुवर्ण पदके जिंकणारा पहिला भारतीय पुरूष खेळाडू ठरला होता.

(Sports Latest News)