WTC Final 2023 ICC Fined Team India : भारताला सलग दुसऱ्यांदा WTC फायनल गाठून देखील विजेतपद पटकावता आले नाही. ऑस्ट्रेलियाने भारताचा 209 धावांनी पराभव करत वर्ल्ड टेस्ट चॅम्पियनशिपची गदा उचलली. आधीच पराभवाच्या दुःखात असलेल्या भारताला आयसीसीने दुसऱ्याच दिवशी मोठा धक्का दिला.
आयसीसीने भारतीय संघाला संथ गतीने षटके टाकल्याप्रकरणी दंड ठोठावला. भारतीय संघाला संपूर्ण मॅच फीची रक्कम दंड म्हणून भरायची आहे. भारताबरोबरच ऑस्ट्रेलियाला देखील यात नियमाचे उल्लंघन केल्यामुळे सामन्याच्या 80 टक्के रक्कम दंड म्हणून द्यावी लागणार आहे. शुभमन गिलला देखील तिसऱ्या पंचांविरूद्ध ट्विट करणे भोवले असून त्यालाही दंड ठोठावण्यात आला आहे.
भारतीय संघाने WTC Final मध्ये दिलेल्या वेळेत टाकायच्या षटकांपैकी 5 षटके कमी टाकली. तर ऑस्ट्रेलियाने चार षटके कमी टाकली. त्यामुळे या दोन्ही संघांना आयसीसीच्या कोड ऑफ कंडक्टचा नियम क्रमांक 2.22 चे उल्लंघन केल्या प्रकरणी कारवाई झाली आहे. या नियमानुसार प्रत्येक षटकासाठी खेळाडू आणि सपोर्ट स्टाफच्या मॅच फी मधून 20 टक्के रक्कम कापून घेतली जाते.
भारताने 5 षटके टाकल्यामुळे संपूर्ण मॅच फी ही दंड म्हणून द्यावी लागणार आहे. आयसीसीने शुभमन गिलला तिसऱ्या पंचांनी दिलेल्या निर्णयाविरूद्ध ट्विट केल्याबद्दलही शिक्षा दिली आहे. आयसीसी कोड ऑफ कंडक्टचा नियम 2.7 मोडल्याप्रकरणी गिलला मॅच फी च्या 15 टक्के रक्कम दंड आकारण्यात आला आहे. म्हणजे गिलला मॅच फीच्या एकूण 115 टक्के रक्कम दंड म्हणून भरावी लागणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
