IND vs AUS 2nd Test Australia Playing 11 : भारत आणि ऑस्ट्रेलिया यांच्यातील दुसऱ्या कसोटी सामन्याची दोन्ही संघ जय्यत तयारी करत आहे. भारताने पहिल्या कसोटीत ऑस्ट्रेलियाचा 1 डाव आणि 132 धावांनी पराभव केला. भारतीय फिरकीपटूंनी कांगारूंचा पहिला डाव 177 तर दुसरा डाव 91 धावात गुंडाळला होता. तर भारताने फलंदाजी करताना 400 धावांचा डोंगर उभारून कांगारूंच्या नाकात दम केला होता.
भारतीय फलंदाजांनी कांगारूंची फिरकी निष्प्रभ केली होती. कांगारूंकडून टॉड मर्फीनेच चांगला मारा केला होता. त्याने भारताचे 7 फलंदाज गारद केले. त्यामुळे भारतीय संघ आता दुसऱ्या कसोटीसाठी कांगारूंच्या फिरकीचा अजून चांगला सामना करण्यासाठी कसून सराव करत आहे. मात्र फिरकीवर सराव करणाऱ्या भारताला कांगारूं एक मोठा धक्का देण्याच्या तयारीत आहेत.
ऑस्ट्रेलियाचा धाकड वेगवान गोलंदाज मिशेल स्टार्क नुकताच भारतात दाखल झाला आहे. हा डावखुरा वेगवान गोलंदाज पहिल्या कसोटीला दुखापतीमुळे मुकला होता. आता तो दुसऱ्या कसोटी सामन्यापूर्वी भारतात दाखल झाला असून तो दुसरी कसोटी खेळू देखील शकतो.
स्टार्कच्या बोटाला दुखापत झाली होती. त्यामुळे तो पहिल्या कसोटीला मुकला होता. तो संघासोबत भारतात देखील आला नव्हता. मात्र दुखापतीतून सावरलेला स्टार्क शनिवारी भारतात दाखल झाला आहे. त्यानंतर त्याने दिल्ली कसोटीतील आपल्या समावेशाबाबत मोठे विधान केले.
तो म्हणाला की, 'मला अजून काही सुधारणा करण्याची गरज आहे. मात्र मी योग्य दिशेने पुढे जात आहे. अजून थोडी परिस्थिती सुधारणे गरजेचे आहे.' स्टार्क पुढे म्हणाला की, 'मी दुखापतीतून सावरत आहे. मात्र मला ज्या गतीने अपेक्षा होती तितक्या गतीने नाही. निवडीसाठी उपलब्ध राहण्यासाठी जे आवश्यक आहे ते करणार आहे. बाकी निर्णय हा संघ व्यवस्थापनावर अवलंबून आहे.'
ऑस्ट्रेलियाला पहिल्या कसोटीपूर्वी दुखापतीचा फटका बसला. स्टार्कबरोबरच कॅमेरून ग्रीन देखील दुखापतग्रस्त झाला होता. या दोघांनी बुधवारी गोलंदाजीचा सराव केला. ग्रीनने एक तास फलंदाजी देखील केली. स्टार्क आणि ग्रीन यांना संघात घ्यायचे की नाही याचा निर्णय आज गुरूवारी होईल.
हेही वाचा : वर्क फ्राॅम होम ते 'कायमचे घरी बसा?' हा प्रवास नक्की काय सांगतोय...
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
