न्यूज अँकरची जोकोविचला 'ऑन कॅमेरा' शिवीगाळ

मेलबर्न : ऑस्ट्रेलिया ओपन सुरु होण्यापूर्वीच वादावादीचे जोरदार स्मॅश पहावयास मिळत आहे. प्रसिद्ध टेनिसपटू नोव्हाक जोकोविचचे (Novak Djokovic) विजा प्रकरण थंड होते ना होते तोच त्याच्या कोरोना पॉझिटिव्ह असतानाही मुलाखत देण्याचा वाद उफाळून आला होता. आता ऑस्ट्रेलियाच्या रिबेका मॅडरन आणि माईक अ‍ॅमोर या दोन न्यूज अँकरनी (Australian news anchors) ऑन कॅमेरा नोव्हाक जोकोविचला शिवीगाळ केली. (Australian news anchors sledge Novak Djokovic)

७ न्यूज मेलबर्न या वृत्तवाहिनीचा एक व्हिडिओ सध्या सोशल मीडियावर व्हायरल होत आहे. यात दोन अँकर नोव्हाक जोकोविच (Novak Djokovic) बद्दल कोरोना लसीवरुन निर्माण झालेला वाद यावर चर्चा करत होते. याच दरम्यान, एका अँकरने नोव्हाक जोकोविच हा खोटं बोलत आहे. तो **** आहे असे वक्तव्य केले. त्याला उत्तर देताना दुसरा अँकर 'तो **** नुसती कारणे देत आहे. मात्र ती कारणेच त्याला उघड्यावर पाडत आहे.' असे म्हणाला.

नोव्हाक जोकोविच ऑस्ट्रेलियात (Australia) दाखल झाल्यानंतर त्याचा विजा रद्द करण्यात आला होता. त्यावेळी त्याला ऑस्ट्रेलिया सरकारने ताब्यात घेऊन परत पाठवण्याची प्रक्रिया सुरु केली होती. मात्र न्यायालयाने नोव्हाक जोकोविचला दिलासा देत ऑस्ट्रेलिया सरकारचा निर्णय रद्द केला होता.

नोव्हाक जोकोविचला डिसेंबर महिन्यात कोरोनाची लागण झाली होती. त्यामुळे त्याला कोरोना लस (Corona Vaccine) घेण्यापासून सूट देण्यात यावी अशी विनंती त्याने केली होती. त्यात आधारे तो ऑस्ट्रेलियात दाखल झाला होता. मात्र सरकारने त्याला ताब्यात घेतले होते. जोकोविचला ऑस्ट्रेलिया ओपनमध्ये (Australia Open) आपले विक्रमी २१ वे ग्रँड स्लॅम जिंकण्याची संधी आहे. या स्पर्धेत रॉजर फेडरर आणि राफेल नदाल खेळणार नाहीत.