मेलबर्न: भारताची सानिया मिर्झा (Sania Mirza) आणि भारतीय वंशाचा अमेरिकन टेनिसपटू राजीव राम (Rajeev Ram) यांनी ऑस्ट्रेलियान ओपनच्या (Australian Open) मिश्र दुहेरीत पहिल्या फेरीत अलेक्झांड्रा क्रुनिर आणि निकोला कॅकिक या जोडीचा ६-३, ७-६ (७-३) असा पराभव केला. याचबरोबर सानिया आणि राजीवने मिश्र दुहेरीची (Mix Double) दुसरी फेरी गाठली.
सानिया मिर्झाची (Sania Mirza) ही शेवटची ऑस्ट्रेलियन ओपन असणार आहे. तिने पहिल्या सामन्यात तरी चांगला फॉर्म दाखवला आहे. तिचा पार्टनर देखील राजीव राम देखील चांगल्या लयीत होता. तो सध्या दुहेरीच्या जागतिक क्रमवारीत चौथ्या स्थानावर आहे. राजीव रामने आपल्या अचूक सर्व्हने पहिला गेम सहज जिंकला. त्यानंतर सानिया मिर्झानेही चांगला खेळ केला. चौथ्या गेममध्ये या जोडीने क्रुनिक आणि कॅकिक जोडीची सर्व्हिस ब्रेक केली. त्यानंतर ३ - १ अशी आघाडी घेण्यात यश मिळाला. अखेर सानिया आणि राजीवने पहिला सेट ६- ३ असा जिंकला.
पहिला सेट जिंकल्यानंतर सानिया आणि राजीवला (Sania Mirza - Rajeev Ram) क्रुनिक आणि कॅकिकने दुसऱ्या सेटमध्ये चांगलीच टक्कर दिली. दोन्ही जोड्यांनी अप्रतिम सर्व्हिस करत ती ब्रेक होऊ दिली नाही. त्यामुळे दुसरा सेट टाय ब्रेकरवर गेला. टाय ब्रेकरमध्ये सानिया आणि रामने ३-१ अशी आघाडी घेतली अखेर टाय ब्रेकर ७ -३ असा जिंकत सामना खिशात टाकला.
सानिया मिर्झाने महिला दुहेरीचा पहिलाच सामना गमावल्यानंतर निवृत्तीची घोषणा केली होती. तिने हा हंगाम आपला शेवटचा हंगाम असणार आहे असे सांगितले. त्यामुळे ही ऑस्ट्रेलियन ओपन तिची शेवटची ऑस्ट्रेलियन ओपन असणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
