Axar Patel Deepak Chahar Trolled Yuzvendra Chahal : भारताने केएल राहुलच्या नेतृत्वाखाली झिम्बावेविरूद्धचा पहिला सामना 10 विकेट्स राखून जिंकला. भारताने तीन सामन्यांच्या मालिकेत 1 - 0 अशी आघाडी घेतली आहे. भारताने झिम्बावेचे 190 धावांचे आव्हान बिनबाद पार केले. भारताच्या विजयात दीपक चाहर आणि अक्षर पटेल या दोन गोलंदाजांचा मोलाचा वाटा होता. दीपक चाहरने 27 धावात तीन विकेट घेतल्या. अक्षर पटेलने देखील तीन विकेट घेत त्याला चांगली साथ दिली. दरम्यान, सामना संपल्यानंतर अक्षर पटेलने दीपक चाहरची मुलाखत घेतली. यावेळी त्याने युझवेंद्र चहलला देखील ट्रोल केले. (Axar Patel Trolled Yuzvendra Chahal After Zimbabwe Vs India 1st ODI)
सर्वसाधारणपणे बीसीसीआय टीव्हीवर मुलाखत घेण्यासाठी युझवेंद्र चहल आघाडीवर असतो. मात्र त्याच्या अनुपस्थितीत अक्षर पटेलने देखील मुलाखतकाराची भुमिका बजावली आहे. झिम्बावे विरूद्धच्या पहिल्या सामन्यानंतर देखील अक्षर पटेलने मुलाखत घेण्यास सुरूवात केली.
यावेळी दीपक चहरने अक्षरला तू युझवेंद्र चहल भाईची जागा घेतली आहेस असे म्हणत ट्रोल केले. यावर अक्षर पटेलने देखील चेष्टा मस्करीच्या मूडमध्ये नाही नाही जर मी त्याची जागा घेतली तर तो काय करणार त्याला चहल टीव्ही देखील चालवायचा आहे. यावर दीपक चाहर म्हणाला की प्रत्येकाची वेळ येते. आता तुझी वेळ आली आहे.' अशा प्रकारे या दोघांनी मिळून युझवेंद्र चहलची खेचली. सोशल मीडियावर सध्या हा व्हिडिओ खूप व्हायरल होत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
