Babita Phogat vs Sakshi Malik Brij Bhushan : विनेश फोगाट, साक्षी मलिक, बजरंग पुनिया यांनी मागच्या वर्षी भारतीय कुस्ती महासंघाचे माजी प्रमुख बृजभूषण सिंग यांच्याविरोधात आंदोलन केले होते. बृजभूषण यांच्यावर कुस्तीपटूंच्या लैंगिक शोषणाचा आरोप केला गेला होता. कुस्तीपटूंच्या आंदोलनाला सत्तेत असलेल्या भाजपाव्यतिरिक्त अन्य सर्व राजकिय पक्षांनी पाठिंबा दिला होता. या आंदोलनामागे क्राँग्रेसचा हात असल्याचाही दावा केला गेला होता, परंतु ऑलिम्पिक पदकविजेती साक्षी मलिकने BJP नेता बबिता फोगाट हिच्यावर गंभीर आरोप केले आहेत. आज तकला दिलेल्या मुलाखतीत साक्षीने अनेक गौप्यस्फोट केले. बबितानेच कुस्तीपटूंना बृजभूषण विरोधात फूस लावली आणि तिला कुस्ती महासंघाच्या अध्यक्षपदाच्या खूर्चीवर बसायचे होते, असा दावा साक्षीने केला.